തമിഴ്‌നാട് തിരുനെല്‍വേലിയില്‍ വാഹനാപകടത്തില്‍ 11 പേര്‍ മരിച്ചു. പോണ്ടിച്ചേരിയില്‍ നിന്നും തിരുവനന്തപുരത്തേക്കു വന്ന മിനി ബസാണ് അപകടത്തില്‍പ്പെട്ടത്. പുലര്‍ച്ചെ 5 മണിക്കാണ് അപകടം. നാഗര്‍കോവിലിനു സമീപമുള്ള അഗസ്തീശ്വരത്തു വച്ചായിരുന്നു അപകടം സംഭവിച്ചത്.

മരിച്ചവരില്‍ ഒന്‍പതു പേര്‍ മലയാളികളാണെന്ന് ജില്ലാകലക്ടര്‍ പറഞ്ഞു. ആറു പുരുഷന്മാര്‍, മൂന്നു സ്ത്രീകള്‍, രണ്ടു കുട്ടികള്‍ എന്നിവരാണ് മരിച്ചത്. 27 പേര്‍ക്ക് പരുക്കേറ്റു. പരുക്കേറ്റവരെ നാഗര്‍കോവില്‍ മെഡിക്കല്‍ കോളജില്‍ പ്രവേശിപ്പിച്ചു. ഇവരില്‍ ചിലരുടെ നില അതീവ ഗുരുതരമാണ്.

വലിയതുറയില്‍ നിന്നുള്ള കുടുംബവും അപകടത്തില്‍പെട്ട ബസില്‍ ഉണ്ടായിരുന്നു. ഇവരില്‍ ഒരാളുടെ നിലഗുരുതരമാണ്. രാവിലെ 6.05 ഓടെയാണ് അപകടമുണ്ടായത്. വേളാങ്കണ്ണിയില്‍ നിന്ന് കന്യാകുമാരി വഴി തിരുവനന്തപുരത്തേക്ക് വന്ന ബസ്സാണ് അപകടത്തില്‍പെട്ടത്. നിയന്ത്രണം വിട്ട ബസ് ഡിവൈഡറില്‍ ഇടിച്ച് മറിയുകയായിരുന്നുവെന്നാണ് പ്രാഥമിക നിഗമനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha