ആരാണ് പത്താന്‍കോട് ഭീകരാക്രമണത്തിന്റെ സൂത്രധാരന്‍? ജെയ്‌ഷെ മുഹമ്മദ് എന്ന തീവ്രവാദ സംഘടനയാണ് ആക്രമണത്തിന് പിന്നിലെന്ന് വ്യക്തമായിക്കഴിഞ്ഞിട്ടുണ്ട്. ആരാണ് ആ തീവ്രവാദി സംഘത്തിന്റെ തലവന്‍?.
മൗലാന മസൂദ് അസ്ഹര്‍... അതാണ് അയാളുടെ പേര്. അയാള്‍ക്ക് ഇന്ത്യയുമായി ഒരു ബന്ധമുണ്ട്. ഒരിയ്ക്കല്‍ ഇന്ത്യ പിടികൂടി തടവിലിട്ട തീവ്രവാദിയാണ് ഇയാള്‍. നിര്‍ഭാഗ്യവശാല്‍ ഇന്ത്യക്ക് അയാളെ സ്വതന്ത്രനാക്കേണ്ടി വന്നു.
കാണ്ഡഹാര്‍ വിമാനറാഞ്ചലിനെ സ്വതന്ത്രനാക്കേണ്ടി വന്ന ഭീകരരില്‍ ഒരാളായിരുന്നു മൗലാന മസൂദ് അസര്‍. പത്താന്‍കോട് ഭീകരാക്രമണത്തിന് പിന്നില്‍ ജെയ്‌ഷെ മുഹമ്മദ് ആണെന്നാണ് തെളിയുന്നത്. ഇന്ത്യ അറസ്റ്റ് ചെയ്ത് തടവിലാക്കിയ തീവ്രവാദിയാണ് ജെയ്‌ഷെ മുഹമ്മദിന്റെ സ്ഥാപകന്‍.

മൗലാന മസൂദ് അസ്ഹര്‍ ആണ് ജെയ്‌ഷെ മുഹമ്മദിന്റെ സ്ഥാപകന്‍. ഇന്ത്യന്‍ ജയിലില്‍ തടവിലായിരുന്ന മസൂദ് അസറിനെ ഇന്ത്യക്ക് 16 വര്‍ഷം മുമ്പ് മോചിപ്പിയ്‌ക്കേണ്ടിവന്നു. 1999 ല്‍ ആണ് കാണ്ഡഹാര്‍ വിമാന റാഞ്ചല്‍ സംഭവിയ്ക്കുന്നത്. നേപ്പാളില്‍ നിന്ന് ദില്ലിയിലേയ്ക്ക് പുറപ്പെട്ട എയര്‍ ഇന്ത്യ വിമാനം തീവ്രവദികള്‍ റാഞ്ചുകയായിരുന്നു. അമൃത്സര്‍, ലാഹോര്‍, ദുബായ് എന്നിവിടങ്ങളിലൂടെ സഞ്ചരിച്ച് ഒടുവില്‍ അഫ്ഗാനിസ്ഥാനിലെ കാണ്ഡഹാറിലാണ് ഇറക്കിയത്.
അന്ന് വിമാനത്തിലെ യാത്രക്കാരെ സ്വതന്ത്രരാക്കാന്‍ തീവ്രവാദികള്‍ ആവശ്യപ്പെട്ടത് ഇന്ത്യന്‍ ജയിലില്‍ കഴിയുന്ന ഭീകരരെ സ്വതന്ത്രരാക്കാനാണ്. മൗലാന മസൂദ് അസര്‍, മുഷ്താഖ് അഹമ്മദ് സര്‍ഗാര്‍, അഹമ്മദ് ഒമര്‍ സയീദ് ഷേയ്ഖ് എന്നിവരെ ആണ് മോചിപ്പിയ്ക്കാന്‍ ആവശ്യപ്പെട്ടത്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha