പശ്ചിമബംഗാളില് വര്ഗ്ഗീയ സംഘര്ഷാവസ്ഥയില്ല; മമത ബാനര്ജി
പശ്ചിമബംഗാളില് വര്ഗ്ഗീയ സംഘര്ഷാവസ്ഥയില്ലെന്ന് മുഖ്യമന്ത്രി മമത ബാനര്ജി. നാനാത്വത്തില് ഏകത്വം എന്ന മന്ത്രത്തില് അധിഷ്ഠിതമാണ് തൃണമൂല് കോണ്ഗ്രസ് ഭരണവ്യവസ്ഥയെന്നും മമത പറഞ്ഞു. ബംഗാള് ഗ്ലോബല് ബിസിനസ് സമ്മിറ്റില് സംസാരിക്കുകയായിരുന്നു മമത ബാനര്ജി.
മാള്ഡ കലാപത്തിന്റെ പശ്ചാത്തലത്തിലാണ് മമതയുടെ പ്രസ്താവന. അഖില ഭാരതീയ ഹിന്ദു മാഹാസഭാ നേതാവ് കമലേഷ് തിവാരി, മുഹമ്മദ് നബിയെ നിന്ദിക്കുന്ന തരത്തില് നടത്തിയ പ്രസംഗത്തെ തുടര്ന്നാണ് മാള്ഡയില് സംഘര്ഷം ഉടലെടുത്തത്. മുസ്ലീംകള് സംഘടിപ്പിച്ച കലാപം അക്രമാസക്തമായതോടെ പോലീസ് സ്റ്റേഷന് തീയിട്ടു നശിപ്പിക്കുകയും, നിരവധി വാഹനങ്ങള് തകര്ക്കുകയുമായിരുന്നു. ഈ സംഭവത്തിന്റെ നിഴലിലാണ് മമത ബാനര്ജിയുടെ പ്രസ്താവന. നിലവില് പശ്ചിമബംഗാളില് മാവോയിസ്റ്റ് ആക്രമണങ്ങള് കുറവാണെന്നും മമതാ ബാനര്ജി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha