കഴിഞ്ഞ പത്ത് വര്‍ഷത്തിനിടെ വിശ്വഹിന്ദു പരിഷത്ത് 7.5 ലക്ഷം മുസ്ലിങ്ങളെയും കൃസ്താനികളെയും ഹിന്ദുമതത്തിലേക്ക് തിരിച്ചെത്തിച്ചതായി വി എച്ച് പി നേതാവ് പ്രവീണ്‍ തൊഗാഡിയ പറഞ്ഞു. ഇന്ത്യയിലെ ഹിന്ദുമതത്തെ സംരക്ഷിക്കാനായി ഘര്‍ വാപ്‌സി പരിപാടികള്‍ ഇനിയും തുടരുമെന്നും ഒരു ചടങ്ങില്‍ സംസാരിക്കവേ തൊഗാഡിയ വ്യക്തമാക്കി.
കഴിഞ്ഞ പത്ത് വര്‍ഷത്തെ പ്രവര്‍ത്തനങ്ങളുടെ ഫലമായി 5 ലക്ഷത്തിലധികം കൃസ്ത്യാനികള്‍ ഹിന്ദുമതത്തിലേക്ക് തിരിച്ചുവന്നു. പലപ്പോഴായി ഹിന്ദുമതം വിട്ട് കൃസ്തുമതത്തിലേക്ക് പരിവര്‍ത്തനം ചെയ്തവരാണ് ഇവര്‍. രണ്ടര ലക്ഷം മുസ്ലിങ്ങളും ഇങ്ങനെ ഹിന്ദുമതത്തിലേക്ക് തിരിച്ചെത്തി. ഓരോ വര്‍ഷവും ഘര്‍ വാപ്‌സിയുടെ ഫലമായി 15000 പേരാണ് ഹിന്ദുമതത്തിലേക്ക് തിരിച്ചെത്തിയിരുന്നത്.
എന്നാല്‍ കഴിഞ്ഞ വര്‍ഷം മാത്രം 40000 പേര്‍ ഹിന്ദുമതം സ്വീകരിച്ച് മടങ്ങിയെത്തി. ഇത് വി എച്ച് പിയുടെ മാത്രം കണക്കാണ്. ആര്‍ എസ് എസ് നടത്തുന്ന പ്രവര്‍ത്തനങ്ങള്‍ വേറെ. ഹിന്ദുമതം ഇന്ത്യയിലെ ഏറ്റവും വലിയ മതമായി നിലനില്‍ക്കണമെങ്കില്‍ ഘര്‍ വാപ്‌സി പരിപാടികള്‍ ഇനിയും നടത്തിയേ പറ്റൂ. കോടിക്കണക്കിന് ആളുകളെ ഇനിയും ഹിന്ദുമതത്തിലേക്ക് എത്തിക്കാനുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha