അധോലോക കുറ്റവാളി ഛോട്ടാ രാജനും കേന്ദ്രസര്‍ക്കാരും തമ്മില്‍ പ്രത്യേക ബന്ധമുണ്ടെന്ന് ഡല്‍ഹി മുന്‍ പൊലീസ് കമ്മിഷണര്‍ നീരജ് കുമാര്‍. ഡല്‍ഹി ലിറ്ററേറ്റ് ഫെസ്റ്റില്‍ സംസാരിക്കുമ്പോഴാണ് നീരജ് കുമാറിന്റെ പ്രതികരണം. ഫെസ്റ്റില്‍ പങ്കെടുക്കവേ മാധ്യമപ്രവര്‍ത്തകനായ അവിരുക് സെന്നാണ് ഇതേപ്പറ്റി അദ്ദേഹത്തോട് ചോദിച്ചത്.

\'ഒറ്റവാക്കില്‍ പറഞ്ഞാല്‍ അത് ശരിയാണെന്നാ\'യിരുന്നു നീരജിന്റെ മറുപടി. ഇത് സത്യമാണോയെന്ന് മോഡറേറ്റര്‍ മധു ത്രെഹാന്‍ എടുത്തു ചോദിച്ചപ്പോഴും \'ഞാനാണ് പറയുന്നത്, അത് സത്യമാണ്\' എന്നായിരുന്നു പ്രതികരണം.ഇന്തൊനീഷ്യയിലെ ബാലിയില്‍ വച്ച് പിടിയിലായ ഛോട്ടാ രാജന്‍ ഇപ്പോള്‍ തിഹാര്‍ ജയിലിലാണ്.

മാധ്യമപ്രവര്‍ത്തകന്‍ ജെ. ഡേയുടേത് അടക്കം 20 കൊലപാതകങ്ങള്‍, ലഹരിമരുന്നു കടത്ത്, ആയുധ കള്ളക്കടത്ത്, ഭീഷണപ്പെടുത്തി പണം തട്ടല്‍ തുടങ്ങി 75 കേസുകളാണു ഛോട്ടാ രാജനെതിരെയുള്ളത്. നാലു കേസുകളില്‍ ടാഡ, 20 കേസുകളില്‍ മകോക്ക, ഒന്നില്‍ പോട്ട എന്നിങ്ങനെ കര്‍ശന നിയമങ്ങള്‍ പ്രകാരമാണു കുറ്റം ചുമത്തിയിരിക്കുന്നത്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha