യുഎസിന്റെ പിന്തുണയോടെ പത്താന്‍കോട്ട് ഭീകരാക്രമണത്തെ പറ്റി പാകിസ്ഥാന്‍ അന്വേഷിക്കും. പാക്കിസ്ഥാന്‍ പ്രധാനമന്ത്രി നവാസ് ഷെരീഫിനെ യുഎസ് സ്‌റ്റേറ്റ് സെക്രട്ടറി ജോണ്‍ കെറി ഫോണില്‍ വിളിച്ച് പിന്തുണ അറിയിച്ചു. ഭീകരാക്രമണത്തിനു പിന്നിലെ സത്യം കണ്ടെത്താന്‍ പാക്കിസ്ഥാന് പൂര്‍ണ പിന്തുണ നല്‍കുമെന്നു ജോണ്‍ കെറി പറഞ്ഞു. സത്യസന്ധമായ അന്വേഷണം നടക്കുന്നതെന്ന് നവാസ് ഷെരീഫ് മറുപടി നല്‍കി. അന്വേഷണം പൂര്‍ത്തിയാകുന്നതിലൂടെ ഇക്കാര്യത്തിലെ ഞങ്ങളുടെ സത്യസന്ധതയെ ലോകം മനസ്സിലാക്കുമെന്നും ഷെരീഫ് പറഞ്ഞു. പാക്ക് പ്രധാനമന്ത്രിയുടെ ഓഫീസ് പുറത്തിറക്കിയ പ്രസ്താവനയില്‍ ഭീകരവാദം ഉയര്‍ത്തുന്ന വെല്ലുവിളികളെക്കുറിച്ചും ഇരുനേതാക്കളും തമ്മില്‍ സംസാരിച്ചതായും പറയുന്നു. പാക്ക് പ്രധാനമന്ത്രി നവാസ് ഷെരീഫ് ഭീകരാക്രമണവുമായി ബന്ധപ്പെട്ട് ഇന്ത്യ നല്‍കിയ തെളിവുകളുടെ അടിസ്ഥാനത്തില്‍ അന്വേഷണത്തിന് ഉത്തരവിട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha