നാഷനല്‍ ഹെറാള്‍ഡ് ഓഹരി കേസില്‍ കോണ്‍ഗ്രസ് അധ്യക്ഷ സോണിയ ഗാന്ധിക്കും ഉപാധ്യക്ഷന്‍ രാഹുല്‍ ഗാന്ധിക്കും ജാമ്യം കിട്ടിയതിനുള്ള ഉപകാര സ്മരണയായി 35 കാരന്‍ ചെറുവിരല്‍ മുറിച്ചു നല്‍കി. ബംഗളുരുവിലെ രാമനഗരം സ്വദേശിയായ സുരേഷാണ് തിരുപ്പതി ക്ഷേത്രത്തില്‍ ഇടതുകൈയിലെ ചെറുവിരല്‍ വഴിപാടായി മുറിച്ചു നല്‍കിയത്. ഡിസംബര്‍ 19 നാണ് സോണിയയ്ക്കും രാഹുലിനും ജാമ്യം ലഭിച്ചത്.

ഡിസംബര്‍ 25 ന് തിരുപ്പതി ക്ഷേത്രത്തില്‍ എത്തി സുരേഷ് തന്റെ ചെറുവിരല്‍ മുറിച്ചു നല്‍കി. കര്‍ണാടക മന്ത്രിയായ എം.എച്ച്. അംബരീഷ് ഇക്കാര്യം അറിഞ്ഞ് സുരേഷിനെ തന്റെ വസതിയിലേക്ക് വിളിപ്പിച്ചപ്പോഴാണ് പുറംലോകം അറിഞ്ഞത്. കുടുംബാംഗങ്ങളെ അറിയിക്കാതെ സുഹൃത്തിനെ ഒപ്പം കൂട്ടിയാണു സുരേഷ് തിരുപ്പതിക്കു പോയത്. വിരല്‍ മുറിച്ച് 1000 രൂപ നോട്ടില്‍ പൊതിഞ്ഞു കാണിക്കയിട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha