ബെംഗളൂരു നഗരത്തില്‍ തിങ്കളാഴ്ച മുതല്‍ ഇരുചക്രവാഹന പിന്‍സീറ്റ് യാത്രക്കാര്‍ക്ക് ഹെല്‍മറ്റ് നിര്‍ബന്ധമാക്കി. ബെംഗളൂരു ട്രാഫിക് പോലീസ് നേരത്തെ തന്നെ തീരുമാനം പുറപ്പെടുവിച്ചിരുന്നു. എന്നാല്‍, ആരും തന്നെ നിയമം പാലിച്ചതായി കണ്ടിരുന്നില്ല. അതേസമയം, നിയമം കര്‍ശനമാക്കാനാണ് അധികൃതരുടെ തീരുമാനം. പിന്‍സീറ്റില്‍ ഹെല്‍മറ്റ് ധരിക്കാതെ ഒരൊറ്റ വണ്ടി പോലും നഗരത്തില്‍ ഇറങ്ങാന്‍ പാടില്ലത്രേ. ഇരുചക്രവാഹന പിന്‍സീറ്റ് യാത്രക്കാര്‍ക്ക് ഹെല്‍മറ്റ് നിര്‍ബന്ധമാക്കുമെന്ന് കേള്‍ക്കാന്‍ തുടങ്ങിയിട്ട് നാളു കുറച്ചായി.

സുപ്രീംകോടതിയുടെ ഉത്തരവ് ഇതുവരെ ആരും പാലിച്ചില്ലെന്നും തന്നെ പറയാം. ഇതിനിടയിലാണ് ബെംഗളൂരു നഗരം ഈ ഉത്തരവ് നടപ്പിലാക്കാന്‍ പോകുന്നുവെന്ന വാര്‍ത്ത വന്നത്. സുപ്രീംകോടതിയുടെ ഉത്തരവ് ആദ്യം ബെംഗളൂരു നഗരമാണ് പ്രാവര്‍ത്തികമാക്കാന്‍ പോകുന്നത്. ഹെല്‍മറ്റ് ധരിക്കാതെ കണ്ടാല്‍ പണി കിട്ടുമെന്നുറപ്പാണ്. നിയമം ലംഘിച്ച് പിടിക്കപ്പെട്ടാല്‍ ഇന്‍ഷുറന്‍സ് പരിരക്ഷ പോലും ലഭിക്കില്ലെന്നാണ് പറയുന്നത്. ബൈക്കിന്റെ പുറകില്‍ കുട്ടികളാണെങ്കില്‍ പോലും രക്ഷയില്ല, ഹെല്‍മറ്റ് നിര്‍ബന്ധം തന്നെ.

ഹെല്‍മറ്റ് ഇടാതെ ആദ്യം പിടിക്കുകയാണെങ്കില്‍ 100 രൂപ പിഴ ഇടാക്കും. മൂന്നാമത്തെ തവണയും ഇതു ആവര്‍ത്തിച്ചാല്‍ ലൈസന്‍സ് തന്നെ റദ്ദാക്കുമെന്ന് നേരത്തെ അധികൃതര്‍ വ്യക്തമാക്കിയിരുന്നു. ഐഎസ്‌ഐ മാര്‍ക്കുള്ള ഹെല്‍മറ്റ് വാങ്ങിക്കാന്‍ 1000രൂപയ്ക്ക് മുകളില്‍ ചെലവാക്കണമെന്നും ഇതു വാങ്ങിച്ചാലും കുട്ടികള്‍ക്ക് ധരിക്കാന്‍ പറ്റില്ലെന്നും പറഞ്ഞ് ഒട്ടേറെ പേര്‍ പരാതിയുമായി രംഗത്തുവന്നിരുന്നു. ഇതിനെ തുടര്‍ന്ന് ആളുകള്‍ക്ക് സമയം നീട്ടി നല്‍കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha