ബിജെപിയുടെ ജംഗിള് രാജ് ആരോപണങ്ങളെ തള്ളി ബിഹാര് ഉപമുഖ്യമന്ത്രി തേജസ്വി യാദവ്
ബിജെപിയുടെ ജംഗിള് രാജ് ആരോപണങ്ങളെ തള്ളി ബിഹാര് ഉപമുഖ്യമന്ത്രി തേജസ്വി യാദവ്. എന്ഡിഎ സഖ്യത്തിന്റെ നേതൃത്വത്തിലുള്ള സര്ക്കാര് കേന്ദ്രം ഭരിക്കുമ്പോള് ഭീകരര് ഇന്ത്യയില് ആക്രമണം നടത്തുകയും പാക്കിസ്ഥാന് പതാകകള് ഉയര്ത്താന് ശ്രമിക്കുകയും ചെയ്യുന്നതും ജംഗിള്രാജ് എന്നു തന്നെയാണ് അര്ഥമാക്കുന്നതെന്ന് തേജസ്വി ആരോപിച്ചു.
ബിഹാറിലുണ്ടായ ക്രിമിനല് പ്രവര്ത്തനങ്ങളുടെ പേരില് ജംഗിള് രാജ് എന്ന് വിശേഷിപ്പിച്ചാല് എന്ഡിഎ ഭരിക്കുന്ന രാജ്യത്ത് നടക്കുന്നതിനെ ജംഗിള് രാജെന്നോ ഭീകരവാഴ്ചയെന്നോ വിശേഷിപ്പിക്കാമെന്നും തേജസ്വി യാദവ് ഫേസ്ബുക്കില് കുറിച്ചു.
കേന്ദ്ര സര്ക്കാരിനു കീഴിലുള്ള ഡല്ഹിയില് കുറ്റകൃത്യങ്ങളുടെ കണക്ക് എത്രയാണെന്ന് വ്യക്തമാക്കണമെന്നും ആര്ജെഡി നേതാവ് ലാലു പ്രസാദ് യാദവിന്റെ മകനായ തേജസ്വി യാദവ് ചോദിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
