ഇന്ത്യപാക് മതിലുകള് കടന്ന് ഒരു ഫേസ്ബുക്ക് പ്രണയം; പാക് യുവാവിന് ഇന്ത്യന് വധു
ഫേസ്ബുക്കിലൂടെയുള്ള പരിചയം പ്രണയത്തിന് വഴിമാറിയപ്പോള് ഇന്ത്യപാക് മതിലുകള് അവര്ക്ക് പ്രശ്നമായില്ല. ഫേസ്ബുക്ക് സുഹൃത്തായ പാകിസ്താന് യുവാവുമായുള്ള വിവാഹത്തിനാണ് ഇന്ത്യക്കാരി അതിര്ത്തി കടന്ന് പെഷാവറില് എത്തിയത്. കശ്മീരിലെ സ്വാത് ജില്ലയിലെ കലാം വാലി സ്വദേശിനിയായ മെഹ്റൂനീസ(22) യാണ് പാകിസ്താനിലെത്തി കാമുകനെ വിവാഹം ചെയ്തത്. പെഷാവര് സ്വദേശി ഇജാസ് ഖാന് (24) ആണ് വരന്. വിവാഹത്തിനായി രണ്ടു മാസം മുന്പാണ് ശരിയായ വിസ സംഘടിപ്പിച്ച മെഹ്റൂനീസ പെഷാവറില് എത്തിയത്.
വിസയുടെ കാലാവധി അവസാനിക്കാന് മൂന്നു ദിവസം മാത്രം ശേഷിക്കേ ഇക്കഴിഞ്ഞ 10നാണ് ഇരുവരും വിവാഹിതരായത്. ഇജാസിനെ വിവാഹം കഴിക്കാന് സ്വന്തം ഇഷ്ടപ്രകാരമാണ് മെഹ്റൂനീസ വീടുവിട്ട് പാകിസ്താനിലെത്തിയത്. ഇന്ത്യയിലേക്ക് മടങ്ങിവരേണ്ട സാഹചര്യമുണ്ടായാല് പാക് വിരുദ്ധ സംഘടനകളില് നിന്നും തന്റെ ജീവന് ഭീഷണിയുണ്ടെന്നും അവര് പറയുന്നു.
മാനുഷികവശങ്ങള് പരിഗണിച്ച് തന്റെ വിസ കാലാവധി നീട്ടിനല്കണമെന്നു പാകിസ്താന് സര്ക്കാരിന് അപേക്ഷ നല്കി കാത്തിരിക്കുകയാണ് മെഹ്റൂനീസ. എന്നാല് മെഹ്റുനീസയുടെ അപേക്ഷ അധികൃതര് നിരസിക്കാനാണ് സാധ്യതയെന്നും സൂചനയുണ്ട്.
കഴിഞ്ഞ ദിവസം ഒരു അമേരിക്കന് യുവതിയും പാകിസ്താനിലെ ഖൈബര് സ്വദേശിയെ ഫേസ്ബുക്കിലൂടെ പരിചയപ്പെട്ട് വിവാഹം കഴിച്ചിരുന്നു ലാസ്വേഗസ് പോലീസ് വകുപ്പില് ഉദ്യോഗസ്ഥയായ അര്മീനോ ഷാരിയോ അഞ്ജ്ലിയാണ് സുഹൃത്ത് തസീറുള്ളയെ വിവാഹം കഴിച്ചത്. ഇസ്ലാം മതം സ്വീകരിച്ചാണ് അര്മീനോ പുതിയ ജീവിതത്തിലേക്ക് കടന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
