ജെല്ലിക്കെട്ട്: ഹര്ജികള് സുപ്രീംകോടതി ഇന്നു പരിഗണിക്കും
തമിഴ്നാട്ടില് ജെല്ലിക്കെട്ട് അനുവദിച്ച കേന്ദ്രസര്ക്കാരിന്റെ നടപടിക്കെതിരേ സമര്പ്പിച്ച ഒരു കൂട്ടം ഹര്ജികള് സുപ്രീംകോടതി ഇന്നു പരിഗണിക്കും. മാനദണ്ഡങ്ങള് പാലിച്ചു പൊങ്കല് ഉത്സവത്തിന്റെ ഭാഗമായി തമിഴ്നാട്ടില് ജെല്ലിക്കെട്ട് നടത്താന് വെള്ളിയാഴ്ച കേന്ദ്രസര്ക്കാര് അനുമതി നല്കിയിരുന്നു. അനിമല് വെല്ഫയര് ബോര്ഡ് ഓഫ് ഇന്ത്യ, വിവിധ സന്നദ്ധസംഘടനകള് എന്നിവരാണു സുപ്രീംകോടതിയില് കേന്ദ്രസര്ക്കാരിന്റെ ഉത്തരവിനെതിരേ ഹര്ജി സമര്പ്പിച്ചിരിക്കുന്നത്. കൃത്യമായ ട്രാക്കില് രണ്ടു കിലോമീറ്റര് ദൂരം മാത്രം കാളവണ്ടിയോട്ടം സംഘടിപ്പിക്കണമെന്നു വെള്ളിയാഴ്ച പുറത്തിറങ്ങിയ ഉത്തരവിലുണ്ട്. അനിമല് ഹസ്ബെന്ഡറി ആന്ഡ് വെറ്ററിനറി വകുപ്പ് ഉദ്യോഗസ്ഥര് പരിശോധിച്ച് ഫിറ്റ്നസ് സര്ട്ടിഫിക്കറ്റ് നല്കിയ കാളകളെ മാത്രമേ ഓട്ടത്തില് പങ്കെടുപ്പിക്കാന് പാടുള്ളൂയെന്നും കേന്ദ്ര സര്ക്കാരിന്റെ നിര്ദേശത്തില് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
