പൊങ്കല്‍ ഉത്സവത്തിന് മക്കളെ കൂട്ടി നാട്ടിലേക്ക് പോകാന്‍ അനുവാദം ചോദിച്ച ഭാര്യയെ ഭര്‍ത്താവ് തീകൊളുത്തി. തമിഴ്‌നാട്ടിലെ കുലകപാളയത്തിലെ വീട്ടില്‍ മക്കളോടൊപ്പം ഉറങ്ങിക്കിടന്ന ഉമാ മഹേശ്വരി എന്ന മുപ്പത്തിനാലുകാരിയെയാണ് ഭര്‍ത്താവ് കുമാര്‍ തീ വെച്ചത്.

തന്റെ കൈയ്യില്‍ ആവശ്യത്തിന് പണമില്ലെന്നും അതിനാല്‍ പൊങ്കലിനു പോവരുതെന്നും കുമാര്‍ പറയുകയും ഇതെത്തുടര്‍ന്ന് ഭാര്യയും ഭര്‍ത്താവും തമ്മില്‍ വഴക്കുണ്ടാവുകയും ചെയ്തുവെന്നും ഇതിലള്ള ദേഷ്യം തീര്‍ക്കാനാണ് കുമാര്‍ ഭാര്യയെ തീകൊളുത്തി കൊല്ലാന്‍ ശ്രമിച്ചതെന്നുമാണ് പൊലീസ് ഭാഷ്യം.

മക്കളായ പതിമൂന്നു വയസുകാരന്‍ മരുതുപാണ്ടി, 11 വയസുകാരന്‍ വീരപാണ്ടി എന്നിവരോടൊപ്പം ഉറങ്ങിക്കൊണ്ടിരുന്ന ഉമയുടെമേല്‍ അര്‍ധരാത്രിയോടെ മണ്ണെണ്ണയൊഴിച്ച് തീ കൊളുത്തിയ ശേഷം കുമാര്‍ വീട്ടില്‍ നിന്ന് ഓടിപ്പോയതെന്നും പൊലീസ് വിശദീകരിക്കുന്നു.

ഉമാമഹേശ്വരിയുടെ കരച്ചില്‍ കേട്ടെത്തിയ അയല്‍ക്കാര്‍ അവരെ സമീപത്തെ ആശുപത്രിയില്‍ എത്തിച്ചു. അറുപതു ശതമാനത്തോളം പൊള്ളലേറ്റ ഉമയെ ഇപ്പോള്‍ ഒരു ഗവണ്‍മെന്റ് ആശുപത്രിയിലേക്ക് മാറ്റിയിരിക്കുകയാണ്. കുമാറിനു വേണ്ടിയുള്ള അന്വേഷണം പുരോഗമിക്കുകയാണെന്നും പൊലീസ് കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha