ഇലക്ഷന്‍ ആഘോഷപ്രകടനം വെടി ഉതിര്‍ത്ത് നടത്തുന്നതിനിടെ ഒമ്പത് വയസുകാരന്‍ മരിച്ചു
വെടി ഉതിര്‍ത്ത് ആഘോഷപ്രകടനം നടത്തുന്നതിനിടെ ഒമ്പത് വയസുള്ള കുട്ടി മരിച്ചു. ഉത്തര്‍പ്രദേശിലെ ഷാമിലി ജില്ലയിലാണ് സംഭവം. ലോക്കല്‍ ഇലക്ഷന്‍ റിസള്‍ട്ട് വന്നപ്പോള്‍ വിജയിച്ച പാര്‍ട്ടിയുടെ പ്രവര്‍ത്തകര്‍ വെടി ഉതിര്‍ത്ത് ആഘോഷം നടത്തുന്നതിനിടെയാണ് അപകടം ഉണ്ടായത്.
ലോക്കല്‍ ബോഡി ഇലക്ഷനില്‍ സമാജ് വാദി പാര്‍ട്ടി സ്ഥാനാര്‍ത്ഥി നഫിസ ജയിച്ച സന്തോഷത്തില്‍ വെടി ഉതിര്‍ത്ത് അണികള്‍ ആഘോഷിക്കുന്നതിനിടെ ഒമ്പത് വയസുകാരന്റെ ശരീരത്തില്‍ വെടിയുണ്ട പതിക്കുകയായിരുന്നു. പ്രദേശത്ത് കൂടി ഓട്ടോയില്‍ പോവുകയായിരുന്ന കുട്ടിയുടെ നേരെ ആരോ അബദ്ധത്തില്‍ വെടി ഉതിര്‍ക്കുകയായിരുന്നു.
വിജയ ആഘോഷത്തില്‍ അരമണിക്കൂറാണ് അണികള്‍ വെടി ഉതിര്‍ത്തത്. ഇതിനിടെയാണ് അപകടമുണ്ടായത്. സംഭവത്തില്‍ പ്രതിഷേധിച്ച കുട്ടിയുടെ ബന്ധുക്കള്‍ പാനിപത്ഖാട്ടിം ദേശീയ പാത ഉപരോധിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
