ഒറ്റഇരട്ട വാഹനനിയന്ത്രണത്തിന്റെ രണ്ടാംഘട്ടത്തില് വിവാഹ സംഘത്തെ ഒഴിവാക്കുമെന്ന് കെജ്രിവാള്
ഡല്ഹിയില് അന്തരീക്ഷ മലനീകരണ തോത് കുറയ്ക്കാന് കൊണ്ടുവന്ന ഗതാഗത നിയന്ത്രണത്തിന്റെ രണ്ടാംഘട്ടത്തില് വിവാഹ സംഘത്തിന്റെ വാഹനങ്ങളെ ഒഴിവാക്കുമെന്ന് ഡല്ഹി മുഖ്യമന്ത്രിഅരവിന്ദ് കെജ്രിവാള്. നിയന്ത്രണമുള്ള ദിവസങ്ങളില് പ്രത്യേക സ്റ്റിക്കര് പതിപ്പിച്ചായിരിക്കും വിവാഹ സംഘത്തിന്റെ വാഹനങ്ങള് നിരത്തിലിറങ്ങുക. പദ്ധതിയുമായി ബന്ധപ്പെട്ട് ജനങ്ങളുമായി സര്ക്കാര് നടത്തിയ ചര്ച്ചയിലാണ് ഈ ആവശ്യം ഉയര്ന്നത്. സ്കൂള്, ബോര്ഡ് പരീക്ഷകള് അവസാനിച്ച ശേഷം മേയ്, ജൂണ് മാസങ്ങളിലായിരിക്കും രണ്ടാംഘട്ട നിയന്ത്രണം നിലവില് വരിക.
സംവാദത്തില് പങ്കെടുത്തവരില് ബഹുഭൂരിപക്ഷവരും ഗതാഗത നിയന്ത്രണത്തെ അനുകൂലിച്ചതായി സര്ക്കാര് അറിയിച്ചു. ചര്ച്ചയിയില് ഉയര്ന്നു ആശയങ്ങള് മുഖ്യമന്ത്രി ഇന്ന് മന്ത്രിസഭാംഗങ്ങളുമായി ചര്ച്ച ചെയ്യും. ജനങ്ങളുടെ അഭിപ്രായങ്ങള് പ്രകടിപ്പിക്കാന് ഫോണ്, വെബ്സൈറ്റ്, ഇമെയില് സൗകര്യങ്ങളും ഏര്പ്പെടുത്തിയിട്ടുണ്ട്.
ജനുവരി ഒന്നു മുതല് പതിനഞ്ചു വരെ ഏര്പ്പെടുത്തിയ ഗതാഗത നിയന്ത്രണം വിജയകരമായിരുന്നു. ഇക്കാലയവളില് അന്തരീക്ഷ മലിനീകരണ തോതിലുണ്ടായ കുറവ് പദ്ധതിയുമായി മുന്നോട്ടുപോകാന് സര്ക്കാരിന് കരുത്തു പകര്ന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
