ബീഫ് കഴിക്കണമെന്നുള്ളവര് ഹരിയാനയിലേക്ക് വരേണ്ടതില്ലെന്ന് ആരോഗ്യമന്ത്രി
ബീഫ് കഴിക്കണമെന്നുള്ളവര് ഹരിയാനയിലേക്ക് വരേണ്ടതില്ലെന്ന് ആരോഗ്യ മന്ത്രി അനില് വിജ്. ഗോവധത്തിനെതിരെ കടുത്ത നിയമങ്ങള് നിലവിലുള്ള ഹരിയാന ഈ കാര്യത്തില് വിദേശികള്ക്കടക്കം യാതൊരു ഇളവും നല്കുകയില്ലെന്നും മന്ത്രി പറഞ്ഞു.
ചില ഭക്ഷണ രീതികളോട് പൊരുത്തപ്പെടാന് സാധിക്കാത്തതിനാല് താന് ചില രാജ്യങ്ങള് സന്ദര്ശിക്കാറില്ല. ഇതും അങ്ങനെ കണ്ടാല് മതി.സംസ്ഥാനം സന്ദര്ശിക്കുന്ന വിദേശികള്ക്ക് പശുവിറച്ചി കഴിക്കാന് യാതൊരു ഇളവുകളും നല്കില്ലെന്ന് മുഖ്യമന്ത്രി മനോഹര് ലാല് ഖട്ടര് നേരത്തെ തന്നെ വ്യക്തമാക്കിയിട്ടുന്നുെം വിജ് പറഞ്ഞു. പശുവിനെ ദേശീയ മൃഗമാക്കി പ്രഖ്യാപിക്കണമെന്ന ആവശ്യവുമായി അനില് വിജ് കഴിഞ്ഞ വര്ഷം രംഗത്തെത്തിയിരുന്നു. ഇതിനായി ഒരു ഓണ്ലൈന് അഭിപ്രായ സര്വേയും അദ്ദേഹം നടത്തിയിരുന്നു.
ഹരിയാനയില് വിദേശികള്ക്ക് ബീഫ് കഴിക്കാന് പ്രത്യേക അനുമതി നല്കുന്നതായി വാര്ത്തകള് പുറത്തുവന്ന സാഹചര്യത്തിലാണ് മന്ത്രിയുടെ വിശദീകരണം. നിരവധി ഓട്ടോമൊബൈല്, സോഫ്റ്റ് വെയര് കമ്പനികള് പ്രവര്ത്തിക്കുന്ന ഇവിടെ വിദേശരാജ്യങ്ങളില് നിന്നടക്കം നിരവധിയാളുകള് ജോലി ചെയ്യുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
