ആന്ധ്രാപ്രദേശിലെ നെല്ലൂര്‍ ജില്ലയില്‍ ഇരുപത്തിയെട്ടുകാരിയായ എന്‍ജിനീയറിംഗ് കോളേജ് അധ്യാപിക ആത്മഹത്യ ചെയ്തു. ആത്മഹത്യചെയ്യാനുള്ള കാരണം വീഡിയോയി റെക്കോര്‍ഡ് ചെയ്തതിനു ശേഷമാണ് വീര മാധവി (28)തൂങ്ങി മരിച്ചത്. മാധവിയുടെ മുറിയില്‍ നിന്നു കിട്ടിയ ആത്മഹത്യക്കുറുപ്പില്‍ കാമുകനുമായുള്ള വിവാഹത്തിനു ഉണ്ടായ എതിര്‍പ്പില്‍ അവര്‍ വിഷമത്തിലായിരുന്നു എന്നാണ് പറയുന്നത്. സംഭവവുമായി ബന്ധപ്പെട്ട് മാധവിയുടെ വീട്ടുകാര്‍ നല്‍കിയ പരാതിയില്‍ കാമുകനെതിരെ ആത്മഹത്യാ പ്രേരണയ്ക്ക് പൊലീസ് കേസെടുത്തിട്ടുണ്ട്.
ആത്മഹത്യ ചെയ്യുന്നതിനു മുമ്പ് പെണ്‍ക്കുട്ടി ഒരു സെല്‍ഫി വീഡിയോ റിക്കോഡ് ചെയ്തിരുന്നു. വീട്ടില്‍ ആരുമില്ലാതിരുന്ന സമയത്താണ് മാധവി ആത്മഹത്യ ചെയ്തത്. വാതില്‍ പൂട്ടിയിരിക്കുകയായിരുന്നു. ജനലിലൂടെ
നോക്കിയപ്പോഴാണ് തൂങ്ങി നില്‍ക്കുന്ന മാധവിയെ അമ്മ കാണുന്നത്. കഴിഞ്ഞ തിങ്കളാഴ്ച മാധവിയുടെ മരണവുമായി ബന്ധപ്പെട്ട് പെണ്‍ക്കുട്ടിയുടെ വീട്ടിലെത്തിയ ബന്ധുക്കള്‍ അവരുടെ മൊബൈലില്‍ വീഡിയോ കണ്ടത്. വീഡിയോയില്‍ തന്റെ മരണത്തിനുശേഷം വളകളും സിന്ദൂരവുമായി തന്നെകാണാന്‍ വരണമെന്ന് മാധവി കാമുകനായ ഭാനു തേജയോട് പറയുന്നതായാണ് കാണിക്കുന്നത്.
ഒരു സ്വകാര്യ സ്ഥാപനത്തില്‍ ജോലിക്കാരനായ ഭാനു തേജയുമായി രണ്ടുവര്‍ഷമായി മാധവി പ്രണയത്തിലായിരുന്നു. കല്യാണം കഴിക്കണമെന്ന് മാധവി ആവശ്യപ്പെട്ടതിനെ തുടര്‍ന്ന് വീട്ടുകാര്‍ സമ്മതിക്കുന്നില്ലെന്ന കാരണം പറഞ്ഞ് ഭാനു മാധവിയെ അവഗണിച്ചതു മൂലം ഇരുവരും തമ്മില്‍ കുറച്ച് അകലത്തിലായിരുന്നു. എന്നാല്‍ യഥാര്‍ത്ഥ കാരണത്തെ പറ്റി അന്വേഷിച്ച് വരുന്നതെയുള്ളു എന്നും പൊലീസ് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha