ചില ആരാധനാലയങ്ങളില്‍ സ്ത്രീകള്‍ക്ക് പ്രവേശനം നിഷേധക്കുന്നതിനെ കുറ്റപ്പെടുത്തി നടി വിദ്യാബാലന്‍ രംഗത്ത്. നൂറ്റാണ്ടുകള്‍ പഴക്കമുള്ള ആചാരങ്ങളുടെ പേരില്‍ സ്ത്രീകളുടെ അവകാശങ്ങളെ ലംഘിക്കുന്നത് ശരിയല്ലെന്നും വിദ്യ പറഞ്ഞു. ഇത്തരമൊരു ചോദ്യം ഇപ്പോഴെങ്കിലും ഉന്നയിച്ചത് നന്നായി. സാമൂഹിക ജീവിതത്തിലും ജോലിയിലെ അവസരങ്ങളിലും ഉള്‍പ്പടെ എല്ലായിടത്തും സ്ത്രീക്കും പുരുഷനും തുല്യത ലഭിക്കണം, മാധ്യമങ്ങളോട് പ്രതികരിക്കവെ വിദ്യാ ബാലന്‍ പറഞ്ഞു. എനിക്ക് തോന്നുന്നത് നമ്മള്‍ സ്ത്രീകള്‍ തന്നെ നമുക്കെതിരെ നിരവധി വിലക്കുകള്‍ സൃഷ്ടിച്ചിട്ടുണ്ട്.

ചില ജോലികള്‍, അത് പുരുഷന്മാര്‍ക്ക് മാത്രം അവകാശപ്പെടുന്നതായി നിലകൊള്ളുന്നു. ഇവിടെ സ്ത്രീകള്‍ക്ക് പിന്നാമ്പുറങ്ങളിലാണ് സ്ഥാനം. ആഗ്രഹങ്ങളെ വളരാന്‍ സഹായിക്കാത്ത എല്ലാത്തിനെയും നാം മറികടക്കേണ്ടതുണ്ട്. എനിക്ക് സാരി ധരിക്കാന്‍ ഇഷ്ടമാണ്. എന്നാല്‍ എല്ലാവരും ചോദിക്കുന്നു എന്തുകൊണ്ടാണ് നിങ്ങള്‍ പ്രായം കൂടിയവരുടെ വസ്ത്രം ധരിക്കുന്നതെന്ന്.

എനിക്ക് സാരി ധരിക്കുന്നത് ഇഷ്ടമാണ്, അതിനാല്‍ ഇനിയും ധരിക്കുകതന്നെ ചെയ്യും എന്നാവും ഇത്തരക്കാര്‍ക്കുള്ള എന്റെ മറുപടി. ഇത് ഫെമിനിസമല്ല, സത്യമാണെന്ന് താരം പറയുന്നു. അപരിചിതരില്‍നിന്നല്ല, ബന്ധുക്കളില്‍നിന്നും സുഹൃത്തുക്കളില്‍ നിന്നുമുള്ള നിര്‍ദേശങ്ങളും മറ്റുമാണ് ഒരു സ്ത്രീയെ ഏറ്റവും കൂടുതല്‍ സ്വാധീനിക്കുന്നതെന്നും താരം കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha