അസാം ഖാന് എതിരെ ഫേസ്ബുക്ക് പോസ്റ്റിട്ട വിദ്യാര്ത്ഥി അറസ്റ്റിലായി
അസാം ഖാന് എതിരെ ഫേസ്ബുക്ക് പോസ്റ്റിട്ട വിദ്യാര്ത്ഥിയെ മണിക്കൂറുകള്ക്കകം പോലീസ് പൊക്കി. പോസ്റ്റ് പ്രത്യക്ഷപ്പെട്ടയുടന് ഉന്നാവോയില്നിന്നുള്ള വിദ്യാര്ത്ഥിയെ രാത്രിതന്നെ വീട്ടിലെത്തിയ പോലീസ് സംഘം അറസ്റ്റ് ചെയ്ത് ജയിലിലേക്ക് മാറ്റുകയായിരുന്നു.
ഉത്തര്പ്രദേശ് മന്ത്രിയും സമാജ്വാദി പാര്ട്ടി നേതാവുമായ അസാം ഖാനെ അവഹേളിക്കുന്ന രീതിയില് ഫേസ്ബുക്ക് പോസ്റ്റ് ഇട്ടതിനാണ് നടപടി. 17കാരനായ വിദ്യാര്ത്ഥിയാണ് അറസ്റ്റിലായത്. സംഭവത്തിനെതിരെ പ്രതിഷേധവുമായി ബി.ജെ.പി രംഗത്തെത്തി. എന്നാല് വിദ്യാര്ത്ഥിക്ക് എതിരെയുള്ള അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
നിരവധി വിവാദ പരാമര്ശങ്ങളിലൂടെ ദേശിയ തലത്തില് ശ്രദ്ധിക്കപ്പെട്ടയാളാണ് അസാം ഖാന്. പാകിസ്താന് സന്ദര്ശനവേളയില് പ്രധാനമന്ത്രി നരേന്ദ്ര മോഡി ദാവൂദ് ഇബ്രാഹിമുമായി കൂടിക്കാഴ്ച നടത്തിയെന്ന അസാം ഖാന്റെ പരാമര്ശം ഏറെ വിവാദമായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
