യൂണിഫോമില് നൃത്തം ചെയ്ത സേലം ഡപ്യൂട്ടി ജയിലര്ക്ക് സസ്പെന്ഷന്
യൂണിഫോമില് നൃത്തം ചെയ്ത സേലം ആറ്റൂര് സബ് ജയിലിലെ ഡപ്യൂട്ടി ജയിലര് ശങ്കരനെ (58) സസ്പെന്ഡ് ചെയ്തു. നൃത്തത്തിന്റെ വിഡിയോ സമൂഹമാധ്യമങ്ങളില് പ്രചരിച്ചതിനു പിന്നാലെയാണ് അന്വേഷണവിധേയമായുള്ള നടപടി.
റിപ്പബ്ലിക് ദിന പരേഡിനു ചെന്നൈയില് പോയപ്പോള് ഹോട്ടല് മുറിയിലായിരുന്നു മറ്റു പൊലീസ് ഉദ്യോഗസ്ഥരുടെ മുന്നില്വച്ചുള്ള നൃത്തം. തൊപ്പിയൂരി കയ്യില് പിടിച്ച് ആടിത്തിമര്ക്കുന്ന ദൃശ്യം കണ്ടുനിന്ന പൊലീസുകാരില് ഒരാള് വിഡിയോയില് പകര്ത്തി ഫെയ്സ്ബുക്കിലും വാട്സാപ്പിലും പോസ്റ്റ് ചെയ്തു. പിന്നീടു യൂട്യൂബിലും പ്രചരിച്ചു. സേലം സെന്ട്രല് ജയില് സൂപ്രണ്ട് അന്വേഷിച്ചു റിപ്പോര്ട്ട് നല്കിയിരുന്നു.
തടവുകാരനെക്കൊണ്ടു മുടിവെട്ടിക്കുകയും ശരീരം മസാജ് ചെയ്യിക്കുകയും ചെയ്തിരുന്നതായി മുന്പു ശങ്കരനെതിരെ ആരോപണം ഉയര്ന്നിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha