പൊതുപരിപാടികളില്‍ ഒരിക്കല്‍ പോലും സമയനിഷ്ട പാലിക്കാന്‍ താല്‍പര്യമില്ലാത്ത കര്‍ണാടക മുഖ്യമന്ത്രി സിദ്ധരാമയ്യ സമയം നോക്കാന്‍ ഉപയോഗിക്കുന്നത് ലക്ഷങ്ങള്‍ വിലമതിക്കുന്ന വാച്ച്. 70 ലക്ഷം രൂപയുടെ വാച്ചാണ് സിദ്ധരാമയ്യ ഉപയോഗിക്കുന്നതെന്ന് ജെ.ഡി.യു സംസ്ഥാന പ്രസിഡന്റ് എച്ച്.ഡി കുമാരസ്വാമി ആരോപിച്ചു. റോളക്‌സ് വാച്ചാണ് അദ്ദേഹം അണിയുന്നത്. രാഷ്ട്രീയ ആരോപണമായാലും അല്ലെങ്കിലും ഇക്കാര്യം ഇപ്പോള്‍ നാട്ടില്‍പുറത്തും സാമൂഹ്യ മാധ്യമങ്ങളിലും ചര്‍ച്ചാവിഷയമാണ്.
1980കളില്‍ സംസ്ഥാന പ്ലാനിംഗ് ബോര്‍ഡ് ഡെപ്യൂട്ടി ചെയര്‍മാനും കോണ്‍ഗ്രസ് നേതാവുമായ ചാന്ദ് മഹല്‍ ഇബ്രാഹിം റോളക്‌സ് വാച്ച് സ്വന്തമാക്കിയത് നിയമസഭയില്‍ വലിയ ഒച്ചപ്പാടിന് ഇടയാക്കിയിരുന്നു. ആര്‍ ഗുണ്ടുറാവു മന്ത്രിസഭയിലെ അംഗമായിരിക്കേ ഒരു യു.എ.ഇ മന്ത്രി റോളക്‌സ് വാച്ച് സമ്മാനിച്ചതാണെന്നാണ് അദ്ദേഹത്തിന്റെ നിലപാട്.
ഫോറിന്‍ കോണ്‍ട്രിബ്യൂഷന്‍ റെഗുലേഷന്‍ ആക്ടി (എഫ്.സി.ആര്‍.എ) ന്റെ ലംഘനമാണ് മുഖ്യമന്ത്രി നടത്തിയിരിക്കുന്നതെന്ന് എം.എല്‍.സി എ.കെ സുബ്ബയ്യ ആരോപിച്ചു. എന്നാല്‍ തന്റെ വാച്ച് കുമാരസ്വാമിക്ക് വില്‍ക്കാന്‍ തയ്യാറാണെന്നാണ് സിദ്ധരാമയ്യയുടെ നിലപാട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha