നാഷണല് ഹെറാള്ഡ് കേസ്: സോണിയും രാഹുലും കോടതിയില് ഹാജാരാകണ്ടെന്ന് സുപ്രീം കോടതി
നാഷണല് ഹെറാള്ഡ് കേസില് വിചാരണ കോടതിയില് ഹാജാരാവുന്നതില് നിന്ന് കോണ്ഗ്രസ് അദ്ധ്യക്ഷ സോണിയ ഗാന്ധിയ്ക്കും ഉപാദ്ധ്യക്ഷന് രാഹുല് ഗാന്ധിയ്ക്കും സുപ്രീം കോടതി ഇളവ് അനുവദിച്ചു. അതേ സമയം തങ്ങളെ കുറ്റവിമുക്തരാക്കണമെന്ന ഇരുവരുടേയും ആവശ്യം കോടതി തള്ളി. ജസ്റ്റിസുമാരായ ജെ.എസ്.ഖേഹര്, സി.നാഗപ്പന് എന്നിവരടങ്ങിയ ഡിവിഷന് ബഞ്ചിന്റേതാണ് ഉത്തരവ്.
ഉന്നത രാഷ്ട്രീയ പാരമ്പര്യമുള്ള തങ്ങളെ സങ്കുചിത രാഷ്ട്രീയ താല്പര്യങ്ങളുടെ പേരില് വ്യക്തിഹത്യ നടത്താനുള്ള ഗൂഢാലോചനയുടെ പേരിലുള്ളതാണ് കേസെന്ന സോണിയയുടേയും രാഹുലിന്റേയും വാദം കോടതി അംഗീകരിച്ചില്ല. കോടതിയില് ഹാജരാകുന്നതില് നിന്ന് ഒഴിവാക്കണമെന്നത് അടക്കമുള്ള ഇവരുടെ എല്ലാ ആവശ്യങ്ങളും ഡല്ഹി ഹൈക്കോടതി നേരത്തെ തള്ളിയിരുന്നു. കേസിലെ ക്രിമിനല് ഗൂഢാലോചനയും വഞ്ചനയും അവഗണിയ്ക്കാനാവില്ലെന്ന് വിലയിരുത്തിയ ഹൈക്കോടതി രൂക്ഷവിമര്ശനമായിരുന്നു നടത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha