വയസായി എന്ന് പറഞ്ഞ് വീട്ടിനുള്ളില്‍ തന്നെ കഴിയാന്‍ പറ്റില്ല. ഏത് പ്രായം ആയാലും ചെയേണ്ട ജോലി കൃത്യസമയത്ത് ചെയ്യുക തന്നെ ചെയ്യും. അതാണ് 104 വയസുള്ള മുത്തശ്ശിയുടെ തീരുമാനം. എല്ലാവര്‍ക്കും മാതൃക തന്നെയാണ് ഈ മുത്തശ്ശി. ആരാണ് ആ മുത്തശ്ശി എന്നല്ലേ. കുന്‍വര്‍ ഭായ് എന്നാണ് ആ 104കാരിയുടെ പേര്. ശുചിമുറികള്‍ നിര്‍മിക്കുന്നതിനായി സ്വന്തം ആടുകളെ വിറ്റ 104 വയസുള്ള മുത്തശ്ശിയുടെ കാലുകള്‍ പ്രധാനമന്ത്രി നരേന്ദ്ര മോഡി രണ്ട് ദിവസങ്ങള്‍ക്ക്് മുമ്പ്് തൊട്ട് വന്ദിച്ചു. ചത്തീസ്ഗഡിലെ നക്‌സല്‍ ബാധിത മേഖലയിലെ കൊട്ടബാരി ഗ്രാമത്തിലെ കുന്‍വര്‍ ഭായിയുടെ കാലുകളിലാണ് മോദി തൊട്ടത്. റൂര്‍ബാന്‍ പദ്ധതി ഉദ്ഘാടനം ചെയ്യാന്‍ എത്തിയതായിരുന്നു മോദി. ടിവി കാണാത്ത പത്രങ്ങള്‍ വായിക്കാത്ത ഉള്‍ഗ്രാമത്തിലുള്ള 104 വയസുള്ള ഒരു സ്ത്രീയ്ക്ക് ശുചിമുറികള്‍ നിര്‍മിക്കുന്നതിന്റെ ആവശ്യകത മനസിലായി. ശുചിത്വമുള്ള ഇന്ത്യയെന്ന സന്ദേശം എങ്ങനെയോ അവരിലുമെത്തിയെ് പ്രധാനമന്ത്രി പറഞ്ഞു. ആടുകളെ വിറ്റ് സ്വന്തം വീട്ടില്‍ ശുചിമുറി നിര്‍മിക്കുകയും മറ്റുള്ളവരെ അതിന് പ്രോത്സാഹിപ്പിക്കുകയും ചെയ്തു. രാജ്യം മാറുകയാണ്. ശുചിത്വ ഇന്ത്യയെന്ന സ്വപ്നം നടപ്പിലാക്കാന്‍ ഗ്രാമത്തിലെ ഒരു സ്ത്രീ മുന്നോട്ടുവരികാണ്. അവര്‍ എല്ലാവര്‍ക്കും പ്രചോദനമാണ്, പ്രത്യേകിച്ച് യുവാക്കള്‍ക്ക്. മോദി പറഞ്ഞു. ആടുകളെ വിറ്റാണ് കുന്‍വര്‍ ഭായ് വീട്ടില്‍ രണ്ട് ശുചിമുറികള്‍ നിര്‍മിച്ചത്. ഇതു കൂടാതെ മറ്റുള്ളവരോട് ശുചിമുറിയുടെ ആവശ്യകത ബോധ്യപ്പെടുത്തുകയും ചെയ്തു. ഇപ്പോള്‍ ഈ ഗ്രാമത്തിലെ എല്ലാ വീടുകളിലും ശുചിമുറിയുണ്ട്. എല്ലാപ്രായക്കാര്‍ക്കും ഈ മുത്തശ്ശി പ്രചോദനവും മാതൃകയുമാണ്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha