പട്യാല ഹൗസ് കോടതിയില് അക്രമം നടത്തിയ അഭിഭാഷകര്ക്കെതിരം നടപടിയാവശ്യപ്പെട്ട് സമര്പ്പിച്ച ഹര്ജി സുപ്രീംകോടതി ഇന്നു പരിഗണിക്കും
പട്യാല ഹൗസ് കോടതിയില് അക്രമം നടത്തിയ അഭിഭാഷകര്ക്കെതിരെ നടപടിയാവശ്യപ്പെട്ടു സമര്പ്പിച്ച ഹര്ജി സുപ്രീംകോടതി ഇന്നു പരിഗണിക്കും. അക്രമത്തെക്കുറിച്ച് പരിശോധിച്ച അഭിഭാഷക സംഘം നല്കിയ റിപ്പോര്ട്ടും ഡല്ഹി ഹൈക്കോടതി റജിസ്ട്രാര് സമര്പ്പിച്ച റിപ്പോര്ട്ടും കോടതിയുടെ പരിഗണനയ്ക്കുവരും. അക്രമം തടയുന്നതില് വീഴ്ച വരുത്തിയ ഡല്ഹി പൊലീസിന്റെ വിശദീകരണവും കോടതി പരിഗണിക്കും.
ജെഎന്യു വിഷയത്തില് പ്രത്യേക സംഘത്തെക്കൊണ്ട് അന്വേഷിക്കണമെന്നാവശ്യപ്പെട്ട് മലയാളി അഭിഭാഷകന് സുഭാഷ് ചന്ദ്രന് നല്കിയ ഹര്ജിയും കോടതിയുടെ പരിഗണനയ്ക്കു വന്നേക്കും. കനയ്യകുമാറിനെതിരെ കോടതിയലക്ഷ്യ നടപടിയെടുക്കണമെന്നാവശ്യപ്പെട്ട് സുപ്രീംകോടതി അഭിഭാഷകന് വിനീത് ദണ്ഡ ഹര്ജി സമര്പ്പിച്ചിട്ടുണ്ട്. അഫ്സല് ഗുരുവിന്റേത് ജുഡീഷ്യല് കൊലപാതകമാണെന്ന് കനയ്യകുമാര് നിലപാടെടുത്തെന്നാണ് ഹര്ജിയിലെ ആരോപണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
