രാജ്യത്തെ വിഭജിക്കാന്‍ ശ്രമിക്കുന്ന ശക്തികളെ വോട്ട്ബാങ്ക് ലക്ഷ്യമിട്ട് രാഹുല്‍ ഗാന്ധി പിന്തുണയ്ക്കുകയാണെന്ന് ബിജെപി ദേശീയ അധ്യക്ഷന്‍ അമിത് ഷാ. ഇന്ത്യാ വിരുദ്ധ മുദ്രാവാക്യങ്ങളെ രാഹുല്‍ പിന്തുണയ്ക്കുന്നുണ്ടോയെന്നു ജനങ്ങള്‍ക്കു മുന്നില്‍ വ്യക്തമാക്കണം. പിന്തുണയ്ക്കുന്നുണ്ടെങ്കില്‍ രാഹുലിനെ ശിക്ഷിക്കണമെന്നും ഷാ പറഞ്ഞു. ഉത്തര്‍പ്രദേശിലെ ബെഹ്‌റായിച്ചില്‍ സംഘടിപ്പിച്ച പൊതുപരിപാടിയില്‍ സംസാരിക്കുകയായിരുന്നു അദ്ദേഹം.

ഇന്ത്യാ വിരുദ്ധ മുദ്രാവാക്യങ്ങള്‍ ഉയരുന്നതിനെ അഭിപ്രായ സ്വാതന്ത്ര്യത്തിന്റെ പേരില്‍ അനുവദിച്ചു കൊടുക്കണോ വേണ്ടയോ എന്ന ചര്‍ച്ചയാണ് ഇന്നു പാര്‍ലമെന്റില്‍ നടന്നത്. 'അഫ്‌സല്‍ ഗുരു താങ്കളുടെ കൊലപാതകര്‍ ഇപ്പോഴും ജീവിച്ചിരിക്കുന്നു', 'ഭാരതത്തെ കീറി മുറിക്കണം' തുടങ്ങിയ മുദ്രാവാക്യങ്ങള്‍ മുഴക്കുന്നവര്‍ രാജ്യദ്രോഹികളാണോ അല്ലയോയെന്നു കോണ്‍ഗ്രസ് വ്യക്തമാക്കണമെന്നും ഷാ പറഞ്ഞു.

ഇന്ത്യാ വിരുദ്ധ മുദ്രാവാക്യങ്ങള്‍ വിളിക്കുന്നത് അഭിപ്രായ സ്വാതന്ത്ര്യത്തിന്റെ പരിധിയില്‍ വരുമോയെന്നും അതോ ഇത് രാജ്യദ്രോഹക്കുറ്റമാണോയെന്നും പാര്‍ലമെന്റ് അംഗങ്ങളായ എല്ലാവരും വ്യക്തമാക്കണം. ഇന്ത്യയിലെ ജനങ്ങളും ഇക്കാര്യത്തില്‍ തീരുമാനമെടുക്കണമെന്നും ഷാ ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha