ഉത്തരാഖണ്ഡിലെ ശക്തമായ മേഘവിസ്‌ഫോടനത്തില്‍ ഒമ്പത് പേരെ കാണാതായതായി സംശയം
ഉത്തരാഖണ്ഡിലെ ശക്തമായ മേഘവിസ്‌ഫോടനത്തില്‍ ഒമ്പത് റോഡ് നിര്‍മ്മാണ തൊഴിലാളികളെ കാണാതായി. ഉത്തരകാശി ജില്ലയിലെ യമുനോത്രി ദേശീയ പാതയിലാണ് ഇന്ന് പുലര്‍ച്ചെയുണ്ടായ ശക്തമായ മേഘവിസ്‌ഫോടനത്തില്‍ ഒമ്പത് തൊഴിലാളികള്‍ ഒഴുക്കില്‍ പെട്ടതായി സംശയം
യമുനോത്രി ക്ഷേത്രത്തിലേക്കുള്ള യാത്രാമധ്യേ ബാര്‍കോട്ട് പ്രദേശത്തെ സിലായ് വളവിനു സമീപത്ത് ജോലിചെയ്യുന്ന തൊഴിലാളികളെയാണ് കാണാതായതെന്ന് ദുരന്ത നിവാരണ അതോറിറ്റി അറിയിച്ചു. ദുരന്ത നിവാരണ അതോറിറ്റി സംഘം പ്രദേശത്തെത്തി നടത്തിയ തിരച്ചിലിനിടയിലാണ് റോഡ് നിര്‍മ്മാണ തൊഴിലാളികള്‍ ടെന്റുകള്‍ കെട്ടി താമസിച്ചിരുന്നതായി കണ്ടെത്തിയത്.
കനത്ത മഴയില്‍ അവയില്‍ ചിലത് ഒഴുകിപോയി. ഈ സാഹചര്യത്തിലാണ് പൊലീസും ദുരന്ത നിവാരണ അതോറിറ്റിയും സംശയം പ്രകടിപ്പിക്കുന്നത്. ഇതുവരെ ഒമ്പതുപേരെ കാണാതായിട്ടുണ്ട്. ഇവരെല്ലാം തന്നെ നേപ്പാള്‍ വംശജരാണ്. ഇവര്‍ക്കായി തിരച്ചില്‍ ഊര്‍ജ്ജിതമാക്കി.
അതേസമയം ജില്ലയിലെ പലപ്രദേശങ്ങളിലും കനത്തമഴയില്‍ വ്യാപക കൃഷിനാശം സംഭവിച്ചിട്ടുണ്ട്. കനത്ത മഴ തുടരുന്ന സാഹചര്യത്തില്‍ യമുന ഉള്‍പ്പെടെയുള്ള നദികളില്‍ ജലനിരപ്പ് ഇനിയും ഉയരുമെന്ന് അധികൃതര്‍
https://www.facebook.com/Malayalivartha
