സ്ത്രീകളുടെ ശുചിമുറിയില്‍ ഒളിക്യാമറ വച്ച് സ്വകാര്യ ദൃശ്യങ്ങള്‍ പകര്‍ത്തിയ ടെക്കി അറസ്റ്റില്‍
സഹപ്രവര്‍ത്തകരായ സ്ത്രീകളുടെ ശുചിമുറിയില്‍ ഫോണില്‍ ദൃശ്യങ്ങള്‍ പകര്‍ത്തിയ ടെക്കിയെ പൊലീസ് അറസ്റ്റു ചെയ്തു. ബംഗളൂരു ഇന്‍ഫോസിസിലെ സീനിയര്‍ അസോസിയേറ്റായ നാഗേഷ് സ്വപ്‌നില്‍ മാലിയെയാണ് സഹപ്രവര്‍ത്തക കൈയ്യോടെ പിടികൂടിയത്. മുന്‍പും ഇയാള്‍ മറ്റ് സ്ത്രീകളുടെ ദൃശ്യങ്ങള്‍ പകര്‍ത്തിയിട്ടുണ്ടാകാമെന്ന് പൊലീസ് സംശയിക്കുന്നു.
ടോയ്‌ലറ്റില്‍ സംശയാസ്പദമായി ഇയാള്‍ നില്‍ക്കുന്നത് ശ്രദ്ധയില്‍പ്പെട്ടുവെന്നും നാഗേഷ് ഫോണില്‍ വീഡിയോ പകര്‍ത്തുന്നത് കണ്ടതായും യുവതി പറഞ്ഞു. ഉടന്‍ തന്നെ ബന്ധപ്പെട്ടവരെ അറിയിക്കുകയും മാലിയെ പിടികൂടുകയുമായിരുന്നു.
തുടര്‍ന്ന് ഇയാളുടെ ഫോണില്‍ നിന്നും ദൃശ്യങ്ങള്‍ കണ്ടെത്തി യുവതിയുടെ സാന്നിധ്യത്തില്‍ ഹ്യൂമന്‍ റിസോഴ്‌സ് ഉദ്യോഗസ്ഥര്‍ ഇല്ലാതാക്കി. വിവരം അറിഞ്ഞെത്തിയ പൊലീസ് ഇയാളെ അറസ്റ്റു ചെയ്തു. ഇയാളുടെ ഫോണ്‍ പിടിച്ചെടുത്ത് വിശദമായ പരിശോധനയ്ക്കായി ഫോറന്‍സിക് ലാബിലേക്ക് അയച്ചിട്ടുണ്ടെന്ന് പൊലീസ് പറഞ്ഞു.
https://www.facebook.com/Malayalivartha
