പാര്ലമെന്റിന്റെ വര്ഷകാല സമ്മേളനം ജൂലൈ 21 മുതല് ആഗസ്ത് 21 വരെ ചേരും
പാര്ലമെന്റിന്റെ വര്ഷകാല സമ്മേളനം ജൂലൈ 21 മുതല് ആഗസ്ത് 21 വരെ ചേരും. സമ്മേളനം വിളിച്ചുചേര്ക്കാന് രാഷ്ട്രപതി അനുമതി നല്കിയെന്ന് പാര്ലമെന്ററികാര്യ മന്ത്രി കിരണ് റിജിജു സമൂഹമാധ്യമത്തില് അറിയിച്ചു. സ്വാതന്ത്ര്യദിന ആഘോഷത്തിന്റെ പശ്ചാത്തലത്തില് ആഗസ്ത് 13നും 14നും പാര്ലമെന്റ് സമ്മേളിക്കുകയില്ല
ആണവ മേഖല സ്വകാര്യ കമ്പനികള്ക്ക് തുറന്നുകൊടുക്കുന്നതിനുള്ള കേന്ദ്ര ബജറ്റിലെ പ്രഖ്യാപനം നടപ്പിലാക്കുന്നതിനായി സിവില് ലയബിലിറ്റി ഫോര് ന്യൂക്ലിയര് ഡാമേജ് ആക്ടും ആറ്റോമിക് എനര്ജി ആക്ടും ഭേദഗതി ചെയ്യാനും സര്ക്കാര് പദ്ധതിയിടുന്നതായാണ് സൂചനകളുള്ളത്.
ഏപ്രില് 22 ന് പഹല്ഗാമില് നടന്ന ഭീകരാക്രമണത്തിന് പിന്നാലെ പ്രതികരണമായി ഇന്ത്യന് സായുധ സേന പാകിസ്ഥാനിലെ ഭീകര കേന്ദ്രങ്ങളില് നടത്തിയ ആക്രമണമായ ഓപ്പറേഷന് സിന്ദൂറിനെക്കുറിച്ച് ചര്ച്ച ചെയ്യണമെന്നാണ് പ്രതിപക്ഷത്തിന്റെ ആവശ്യം. മാത്രവുമല്ല
ഇന്ത്യ-പാകിസ്ഥാന് സംഘര്ഷത്തില് ആണവയുദ്ധം ഒഴിവാക്കാന് മധ്യസ്ഥത വഹിക്കുമെന്ന യുഎസ് പ്രസിഡന്റ് ഡൊണാള്ഡ് ട്രംപിന്റെ അവകാശവാദത്തിന് സര്ക്കാര് മറുപടി പറയണമെന്നാണ് പ്രതിപക്ഷ പാര്ട്ടികളുടെ ആവശ്യം
"
https://www.facebook.com/Malayalivartha
