പ്രധാനമന്ത്രി നരേന്ദ്രമോദി ഇന്ന് അരുണാചല്‍ പ്രദേശും ത്രിപുരയും സന്ദര്‍ശിക്കും. അരുണാചലിലെ ഇറ്റാനഗറില്‍ 3,700 കോടി രൂപയുടെ രണ്ട് ജലവൈദ്യുത പദ്ധതികള്‍ക്കും തവാങ്ങില്‍ അത്യാധുനിക കണ്‍വെന്‍ഷന്‍ സെന്ററിനും തറക്കല്ലിടും.

1,290 കോടിയുടെ വിവിധ വികസന പദ്ധതികള്‍ക്കും തുടക്കം കുറിക്കും. ഇന്നുമുതല്‍ നടപ്പാകുന്ന ജി.എസ്.ടി നിരക്ക് പരിഷ്‌കരണം സംബന്ധിച്ച് പ്രാദേശിക വ്യാപാരികള്‍, വ്യവസായ പ്രതിനിധികള്‍, നികുതിദായകര്‍ എന്നിവരുമായി മോദി സംവദിക്കുന്നതാണ്.

തുടര്‍ന്ന് ത്രിപുരയിലേക്ക് പോകുന്ന മോദി മതാബാരിയിലെ മാതാ ത്രിപുരസുന്ദരി ക്ഷേത്രസമുച്ചയത്തിന്റെ വികസന പ്രവര്‍ത്തനങ്ങള്‍ ഉദ്ഘാടനം ചെയ്യും. തീര്‍ത്ഥാടന പുനരുജ്ജീവന, ആത്മീയ പൈതൃക വര്‍ദ്ധന യജ്ഞം (പ്രസാദ്) പദ്ധതിയുടെ കീഴിലാണ് ക്ഷേത്രം വികസിപ്പിക്കുന്നത്.