'വിജയ് എന്ന് മിണ്ടരുത്'; പരസ്യപ്രതികരണങ്ങൾ വിലക്കി ഡിഎംകെ നേതൃത്വം...മന്ത്രിമാർ അടക്കം ഡിഎംകെ നേതാക്കൾക്ക് നിർദേശം ബാധകമാണ്..
തമിഴക വെട്രി കഴകം നേതാവും തമിഴ് സൂപ്പര്താരവുമായ വിജയ്യുടെ പേരുപറഞ്ഞുവിമര്ശിക്കരുതെന്ന് ഡിഎംകെ നേതാക്കള്ക്ക് നിര്ദേശം
വിജയ് യെ കുറിച്ചുള്ള പരസ്യപ്രതികരണങ്ങൾ വിലക്കി ഡിഎംകെ നേതൃത്വം.മന്ത്രിമാർ അടക്കം ഡിഎംകെ നേതാക്കൾക്ക് നിർദേശം ബാധകമാണ്.വാര്ത്ത സ്ഥിരീകരിച്ച് മന്ത്രിമാരായ കെ.എൻ.നെഹ്റുവും ആർ. ഗാന്ധിയും രംഗത്തെത്തി.ടിവികെയെ കുറിച്ച് സംസാരിക്കരുതെന്ന് നിർദേശം ഉണ്ടെന്ന് മന്ത്രി ഗാന്ധി പറഞ്ഞു.
വായിൽ പ്ലാസ്റ്റർ ഒട്ടിച്ചാണ് നിൽക്കുന്നതെന്ന് തിരുവാരൂരിലെ യോഗത്തിൽ മന്ത്രി നെഹ്റു വ്യക്തമാക്കി.തിരുവാരൂരിൽ കഴിഞ്ഞ ദിവസം വിജയ് പ്രസംഗിചിരുന്നു. മുഖ്യമന്ത്രിയും ഡിഎംകെ അധ്യക്ഷനുമായ എം.കെ. സ്റ്റാലിന്റെ നിര്ദ്ദേശപ്രകാരം പാര്ട്ടി നേതൃത്വം വാട്സാപ്പ് വഴിയാണ് നേതാക്കള്ക്ക് നിര്ദേശം കൈമാറിയത്. പാര്ട്ടിയുടെ ജില്ലാ കമ്മിറ്റികളുടെ നേതൃത്വത്തില് ശനിയാഴ്ചയും ഞായറാഴ്ചയുമായിരുന്നു പൊതുയോഗങ്ങള്. ടിവികെയെ പേരെടുത്ത് പരാമര്ശിക്കുന്നതിനുള്ള വിലക്ക് മന്ത്രിമാരടക്കം പൊതുയോഗങ്ങളില്തന്നെ പരസ്യമാക്കി.
'അവരെക്കുറിച്ച് ഒന്നും പറയരുതെന്ന് നിര്ദേശമുണ്ട്. അവര് നമ്മളെക്കുറിച്ച് പറയുന്നുണ്ടെങ്കിലും മറുപടി പറയരുതെന്നാണ് നിര്ദേശം', കാഞ്ചീപുരം സൗത്ത് ജില്ലയില് നടന്ന പരിപാടിയില് മന്ത്രി ആര്. ഗാന്ധി പറഞ്ഞു. 'വാ മൂടിയാണ് ഞാന് ഇവിടെ നില്ക്കുന്നത്', എന്നായിരുന്നു തിരുവാരൂരിലെ പരിപാടിയില് ഡിഎംകെ പ്രിന്സിപ്പല് സെക്രട്ടറി കെ.എന്. നെഹ്റു പറഞ്ഞത്.
https://www.facebook.com/Malayalivartha
