ജെഎന്യുവില് വീണ്ടും പ്രതിഷേധം ശക്തമാവുന്നു, തങ്ങളെ പുറത്താക്കാന് എന്ത് തെളിവാണുള്ളതെന്നാണ് വിദ്യാര്ത്ഥികള്
രാജ്യദ്രോഹ കുറ്റാരോപണ വിവാദത്തില് ജെഎന്യുവില് വീണ്ടും പ്രതിഷേധം ശക്തമാവുന്നു. രാജ്യദ്രോഹകുറ്റം ആരോപിച്ച് ജയിലിലടച്ച് പിന്നീട് ജാമ്യത്തിലിറങ്ങിയ ജവഹര്ലാല് നെഹ്റു സര്വകലാശാല യൂണിയന് പ്രസിഡന്റ് കന്നയ്യകുമാറടക്കം അഞ്ചു ജെഎന്യു വിദ്യാര്ഥികളെ പുറത്താക്കാനും 21 പേര്ക്കെതിരെ നടപടിയെടുക്കാനും ഉന്നതാധികാര സമിതി നിര്ദേശം നല്കിയതോടെയാണ് ജെഎന്യു വീണ്ടും സമരച്ചൂടിലേക്ക് കടന്നത്. അതിനിടെ വിദ്യാര്ത്ഥികളായ ഉമര് ഖാലിദിന്റെയും അനിര്ബന് ഭട്ടാചാര്യയുടെയും ജുഡീഷ്യല് കസ്റ്റഡി കാലാവധി അവസാനിച്ചതിനെത്തുടര്ന്ന് ഇവരുടെ റിമാന്ഡ് 14 ദിവസത്തേക്ക് നീട്ടി. പട്യാല ഹൗസ് കോടതിയാണ് റിമാന്ഡ് നീട്ടിയത്.
തങ്ങളെ പുറത്താക്കാന് എന്ത് തെളിവാണുള്ളതെന്നാണ് വിദ്യാര്ത്ഥികളുടെ ചോദ്യം. കന്നയ്യ കുമാറിനെതിരായ രാജ്യദ്രോഹ കുറ്റം ആരോപിക്കുന്ന വീഡിയോ വ്യാജമാണെന്ന് കോടതി പോലും അംഗീകരിച്ച സാഹചര്യത്തിലാണ് തങ്ങള്ക്കെതിരെ തെളിവുണ്ടെന്ന് ഉന്നതാധികാര സമിതി പറയുന്നത്. തങ്ങള്ക്കെതിരെ എന്ത് തെളിവാണുള്ളതെന്ന് ജെഎന്യു വിദ്യാര്ത്ഥി ആനന്ദ് പ്രകാശ് ചോദിച്ചു.
തങ്ങളെ ഇതേ വിഷയത്തില് സര്വകലാശാലയില് നിന്നും പുറത്താക്കിയിരുന്നതും ഇതേ കമ്മറ്റിയുടെ നിര്ദ്ദേശമനുസരിച്ചാണ്. ആ സമിതി രൂപികരിച്ച് 24 മണിക്കൂറിനകമാണ് തങ്ങളെ പുറത്താക്കിയത്. അതില് നിന്നും തന്നെ ഒരു അന്വേഷണവും നടത്താതെ ഏകപക്ഷീയമായ തീരുമാനമാണ് സമിതി കൈക്കൊള്ളുന്നതെന്നും അതില് ചില താത്പര്യങ്ങള് ഉണ്ടെന്നത് വ്യക്തമാണെന്നും ആന്ദ് പ്രകാശ് പറഞ്ഞു
ജെഎന്യു വിഷയത്തില് സമരം ശക്തമാക്കുന്നതിന്റെ ഭാഗമായി വിദ്യാര്ത്ഥികള് ഇന്ന് പാര്ലമെന്റിലേക്ക് മാര്ച്ച് നടത്തും. സര്വകലാശാല അന്വേഷണ കമ്മീഷന് തീരുമാനങ്ങള് പിന്വലിക്കുക. ജുഡീഷ്യല് കസ്റ്റഡിയില് കഴിയുന്ന ജെഎന്യു വിദ്യാര്ഥികളായ ഉമര് ഖാലിദിനെയും അനിര്ഭാന് ഭട്ടാചാര്യയെയും ഡല്ഹി യൂണിവേഴ്സിറ്റി മുന് പ്രൊഫസര് എസ്എആര് ഗീലാനിയെയും വിട്ടയക്കുക തുടങ്ങിയവായണ് മാര്ച്ചിലെ പ്രധാനപ്പെട്ട ആവശ്യങ്ങള്. അതേസമയം ഉമര് ഖാലിദ്, അനിര്ബന് ഭട്ടാചാര്യ എന്നിവരുടെ റിമാന്ഡ് കാലാവധി ഇന്ന് അവസാനിക്കും
ഫെബ്രുവരി 9നാണ് ജെഎന്യുവില് അഫ്സല്ഗുരു അനുസ്മരണം നടന്നത്. ഈ യോഗത്തില് ദേശവിരുദ്ധ മുദ്രാവാക്യങ്ങള് ഉയര്ത്തിയെന്നാരോപിച്ച് ജെഎന്യു വിദ്യാര്ഥി യൂണിയന് പ്രസിഡന്റ് കനയ്യകുമാര്, വിദ്യാര്ഥികളായ അനിര്ബന് ഭട്ടാചാര്യ, ഉമര് ഖാലിദ് എന്നിവരെ ഡല്ഹി പോലീസ് അറസ്റ്റ് ചെയ്തിരുന്നു. ഇതില് കനയ്യകുമാറിനു മാത്രമാണു ജാമ്യം ലഭിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
