ബിജെപിയാണ് ഏറ്റവും വലിയ രാജ്യദ്രോഹികളെന്ന് ഡല്‍ഹി മുഖ്യമന്ത്രി അരവിന്ദ് കേജ്‌രിവാള്‍. രാജ്യദ്രോഹ മുദ്രാവാക്യം വിളിച്ചവരെ അവര്‍ എന്തുകൊണ്ട് സംരക്ഷിക്കുന്നു?,ട്വിറ്റര്‍ സന്ദേശത്തില്‍ കേജ്‌രിവാള്‍ ചോദിച്ചു. ജവഹര്‍ലാല്‍ നെഹ്‌റു സര്‍വകലാശാല (ജെഎന്‍യു) ക്യാംപസിനുള്ളില്‍ രാജ്യവിരുദ്ധ മുദ്രാവാക്യം വിളിച്ചവരെ ബിജെപി സംരക്ഷിക്കുകയാണെന്നും കേജ്‌രിവാള്‍ ആരോപിച്ചു.ഫെബ്രുവരി ഒന്‍പതിന് ജെഎന്‍യു ക്യാംപസിനുള്ളില്‍ നടന്ന അഫ്‌സല്‍ ഗുരു അനുസ്മരണ ചടങ്ങില്‍ രാജ്യവിരുദ്ധ മുദ്രാവാക്യം വിളിച്ചത് ക്യാംപസിനു പുറത്തുള്ളവരാണെന്ന് ജെഎന്‍യു പാനലിന്റെ റിപ്പോര്‍ട്ട് പുറത്തുവന്നിരുന്നു. ഇതിന്റെ അടിസ്ഥാനത്തിലാണ് കേജ്‌രിവാളിന്റെ പ്രതികരണം. നേരത്തെ, തനിക്കെതിരെ രാജ്യദ്രോഹക്കുറ്റത്തിന് ഹൈദരാബാദ് പൊലീസ് എഫ്‌ഐആര്‍ ഫയല്‍ ചെയ്തപ്പോള്‍ പ്രധാനമന്ത്രി നരേന്ദ്ര മോദിയെക്കാള്‍ വലിയ ദേശസ്‌നേഹി താനാണെന്ന് അദ്ദേഹം പറയുകയുണ്ടായി. ജെഎന്‍യു വിഷയത്തില്‍ യഥാര്‍ഥ വഞ്ചകരായ പിഡിപി നേതാവ് മെഹ്ബൂബ മുഫ്തിയെ അറസ്റ്റ് ചെയ്ത് പ്രശ്‌നം കലുഷിതമാക്കാന്‍ ബിജെപി തയാറല്ലെന്നും കേജ്‌രിവാള്‍ ആരോപിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha