രാജ്യദ്രോഹക്കുറ്റം ചുമത്തി ജയിലിലടച്ച ജെഎന്യു വിദ്യാര്ഥികളായ ഉമര്ഖാലിദിനും അനിര്ബാനും ഇടക്കാല ജാമ്യം
രാജ്യദ്രോഹക്കുറ്റം ചുമത്തി ജയിലിലടച്ച ജെഎന്യു വിദ്യാര്ഥികളായ അനിര്ബാന് ഭട്ടാചാര്യക്കും ഉമര്ഖാലിദിനും ആറുമാസത്തെ ഇടക്കാല ജാമ്യം. ഉമറും അനിര്ബാനും മികച്ച വിദ്യാര്ഥികളാണെന്നും ഇരുവര്ക്കും സമൂഹത്തില് ആഴത്തില് വേരുകളുണ്ടെന്നും ചൂണ്ടിക്കാട്ടി ഡല്ഹി കോടതി അഡീഷണല് സെഷന്സ് ജഡ്ജി റിതീഷ്സിങ്ങാണ് ജാമ്യമനുവദിച്ചത്. 25,000 രൂപ ജാമ്യത്തുക കെട്ടിവയ്ക്കണമെന്നും അന്വേഷണം പൂര്ത്തിയാകുംവരെ ഡല്ഹി വിടരുതെന്നുമുള്ള വ്യവസ്ഥകളോടെയാണ് ജാമ്യം.
നടപടിക്രമം പൂര്ത്തിയാക്കി ഉമറും അനിര്ബാനും ശനിയാഴ്ച വൈകിട്ടോ ഞായറാഴ്ച രാവിലെയോ ജയില്മോചിതരാകും. ജെഎന്യു എസ്യു പ്രസിഡന്റ് കനയ്യകുമാറിന് പിന്നാലെ ഉമറും അനിര്ബാനുംകൂടി ജയില്മോചിതരായത് കേന്ദ്രസര്ക്കാരിനും ഡല്ഹി പൊലീസിനും തിരിച്ചടിയായി. ഉമറിനും അനിര്ബാനും ജാമ്യം ലഭിച്ച വാര്ത്ത പുറത്തുവന്നതോടെ ജെഎന്യു ക്യാമ്പസില് ആഹ്ളാദപ്രകടനങ്ങള് നടന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
