'നിങ്ങള് ആദ്യം പോയി വിജയ് മല്യയെ പിടിക്കൂ, എന്നിട്ടാകാം എന്നെ നിയമം പഠിപ്പിക്കുന്നത്'
260 രൂപ ഫൈനടയ്ക്കാന് ടിക്കറ്റ് പരിശോധകന് ആവശ്യപ്പെട്ടപ്പോളാണ് വീട്ടമ്മയുടെ ഈ പ്രതികരണം ചര്ച്ചയാകുന്നു. ഫൈനടയ്ക്കാന് പറഞ്ഞ പരിശോധകനോട് വീട്ടമ്മയുടെ മറുപടിയിങ്ങനെയായിരുന്നു 'നിങ്ങള് ആദ്യം പോയി വിജയ് മല്യയെ പിടിക്കൂ, എന്നിട്ടാകാം എന്നെ നിയമം പഠിപ്പിക്കുന്നത്' രാജ്യമിന്ന് ചര്ച്ച ചെയ്യുന്നത് ഈ വാക്കുകളാണ്. മുംബൈയിലാണ് സംഭവം. ഞായറാഴ്ച മഹാലക്ഷ്മി സ്റ്റേഷനിലെ സബര്ബന് ട്രെയിനിലായിരുന്നു സംഭവം. വനിതാ ടിക്കറ്റ് പരിശോധകയാണ് പ്രേംലതാ ഭന്സാലിയെന്ന 44 കാരിയെ ടിക്കറ്റില്ലാതെ യാത്രചെയ്തതിന് പിടികൂടിയത്. 260 രൂപ ഫൈനടയ്ക്കാന് ആവശ്യപ്പെട്ടപ്പോള്, വിജയ് മല്യയെ അറസ്റ്റ് ചെയ്ത് 9000 കോടി പിടിച്ചെടുക്കാനാണ് വീട്ടമ്മ ആവശ്യപ്പെട്ടത്. ഫൈനടയ്ക്കാന് തയ്യാറാകാത്തപ്പോള്, മജിസ്ട്രേറ്റ് കോടതിയില് ഹാജരാക്കിയപ്പോളും, അവര് ഇതേ സംസാരം ജഡ്ജിയോടും ആവര്ത്തിച്ചു. പിഴ അടയ്ക്കാത്തവര്ക്കുള്ള ശിക്ഷയായ ഏഴ് ദിവസത്തെ തടവ് അനുഭവിച്ചോളാമെന്നും, ജയിലിലേക്ക് പൊയ്ക്കോളാമെന്നും അവര് പറഞ്ഞു.
ഭര്ത്താവിനെയുള്പ്പെടെ വിളിച്ച് വരുത്തി, നിര്ബന്ധിച്ചെങ്കിലും അവര് ഫൈനടയ്ക്കാന് തയ്യാറായില്ല. മല്യയെപ്പോലുള്ളവര്ക്ക് ഇളവുകള് നല്കി, സാധാരണക്കാരനെ ദ്രോഹിക്കുന്നതെന്തിനാണെന്ന ചോദ്യമാണ് എല്ലാവരോടും അവര് ചോദിച്ചത്. ഒടുവില് 12 മണിക്കൂറോളം മണിക്കൂര് സമയം റെയില്വേ അധികൃതരും ഭര്ത്താവുള്പ്പെടെയുള്ളവരും നിര്ബന്ധിച്ച ശേഷമാണ് ഫൈനടയ്ക്കാന് വീട്ടമ്മ തയ്യാറായത്. രണ്ട് കുട്ടികളുടെ അമ്മയായ ഈ 44കാരി ഇന്ന് രാജ്യത്തെ ഏറ്റവും പ്രധാനപ്പെട്ട ചര്ച്ചാ വിഷയമായി മാറിക്കഴിഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
