കര്‍ഷകര്‍ കടംപെരുകി ആത്മഹത്യ ചെയ്യാന്‍ നിര്‍ബ്ബന്ധിതമാകുന്ന സംസ്ഥാനത്ത് മന്ത്രിമാര്‍ മാസശമ്പളം വാങ്ങുന്നത് ലക്ഷങ്ങള്‍. തെലങ്കാന സംസ്ഥാനത്തെ ജനപ്രതിനിധികളുടെ കാര്യമാണ് പറഞ്ഞു വരുന്നത്. മന്ത്രിമാരുടെ ശമ്പളം നാലു ലക്ഷം രൂപയാക്കി ഉയര്‍ത്തിയപ്പോള്‍ എംഎല്‍എമാരുടേത് 2.8 ലക്ഷമാക്കിയും വര്‍ദ്ധിപ്പിച്ചു.
ശമ്പളവര്‍ദ്ധനയുമായി ബന്ധപ്പെട്ട ബില്‍ കഴിഞ്ഞദിവസം സഭ ഐക്യകണ്‌െേഠ്യന പാസ്സാക്കിയതോടെ രാജ്യത്ത് ഏറ്റവും ഉയര്‍ന്ന ശമ്പളം പറ്റുന്ന ജനപ്രതിനിധികളുടെ സഭയായി തെലങ്കാന നിയമസഭ മാറി. മുഖ്യമന്ത്രിക്ക് മാത്രം എല്ലാ ആനകൂല്യങ്ങളും ചേര്‍ത്ത് മാസം 4.2 ലക്ഷം കിട്ടും. നേരത്തേ 2.5 ലക്ഷം വാങ്ങിയ സ്ഥാനത്താണ് ഈ വര്‍ദ്ധനവ്. 2.4 ലക്ഷം വാങ്ങിയിരുന്ന മന്ത്രിമാര്‍ നാലു ലക്ഷം രൂപ വാങ്ങുമ്പോള്‍ 95,000 രൂപ വാങ്ങിയിരുന്ന എംഎല്‍മാര്‍ക്ക് എല്ലാ അലവന്‍സും ചേര്‍ന്ന് 2.8 ലക്ഷം കിട്ടും.
കടം കയറി രണ്ടു വര്‍ഷത്തിനിടയില്‍ രണ്ടായിരത്തോളം കര്‍ഷകര്‍ ആത്മഹത്യ ചെയ്ത സംസ്ഥാനത്താണ് മന്ത്രിമാര്‍ ലക്ഷങ്ങള്‍ കൊണ്ട് അമ്മാനമാടുന്നത്. ഇതില്‍ നഷ്ടപരിഹാരം നല്‍കിയത് 400 കുടുംബങ്ങള്‍ക്ക് മാത്രമാണ്. ശമ്പളം വര്‍ദ്ധിപ്പിച്ചതോടെ സംസ്ഥാനത്തിന് അധിക ബാധ്യത വരുന്നത് 43 കോടി രൂപയാണ്. കേരളത്തിലെ ജനപ്രതിനികളേക്കാള്‍ അനേകം മടങ്ങ് കൂടുതല്‍ ശമ്പളമാണ് ഇത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha