സര്‍ക്കാര്‍ ജോലിക്കുള്ള അപേക്ഷാഫോമില്‍ ക്രിമിനല്‍ പശ്ചാത്തലം മറച്ചുവച്ചത് ഗുരുതര പെരുമാറ്റദൂഷ്യമെന്ന് സുപ്രീംകോടതി. നിസാര വീഴ്ചയെന്ന മട്ടില്‍ കാണാനാകില്ല. ഉത്തര്‍പ്രദേശില്‍ ക്രിമിനല്‍ പശ്ചാത്തലം മറച്ചുവച്ച് ജോലി നേടിയ ഉദ്യോഗസ്ഥനെ പിരിച്ചുവിട്ട സര്‍ക്കാര്‍ നടപടി ശരിവച്ചു കൊണ്ടാണിത്.

ഉദ്യോഗസ്ഥന് അനുകൂലമായുള്ള അലഹബാദ് ഹൈക്കോടതി ഉത്തരവ് ജസ്റ്റിസുമാരായ സഞ്ജയ് കരോല്‍, എന്‍.കോട്ടീശ്വര്‍ സിംഗ് എന്നിവരടങ്ങിയ ബെഞ്ച് റദ്ദാക്കി. ക്രിമിനല്‍ കേസുകളുണ്ടായിരുന്ന സമയത്ത് ആ വിവരം മറച്ചുവച്ചു. പിടിക്കപ്പെട്ടപ്പോള്‍ കേസുകളില്‍ പിന്നീട് വെറുതെവിട്ടിരുന്നു എന്നു വാദിക്കുന്നത് അംഗീകരിക്കാനാകില്ല. അനുകമ്പ പ്രതീക്ഷിക്കേണ്ടതില്ലെന്നും കോടതി കൂട്ടിച്ചേര്‍ത്തു.