പഠാന്കോട്ട് ആക്രമണത്തിന്റെ മുഖ്യ സൂത്രധാരന് മസൂദ് അസ്ഹറിനെ വിലക്കാനുള്ള നീക്കം ചൈന തടഞ്ഞു
പഠാന്കോട്ട് ആക്രമണത്തിന്റെ മുഖ്യസൂത്രധാരന് ജയ്ഷെ മുഹമ്മദ് തലവന് മസൂദ് അസ്ഹറിനെ വിലക്കാനുള്ള ഐക്യരാഷ്ട്രസഭാ നടപടി ചൈന ഇടപെട്ടു തടഞ്ഞു. മസൂദിനെ വിലക്കാനുള്ള തീരുമാനം പുറത്തുവരുന്നതിനു മണിക്കൂറുകള്ക്കു മുമ്പായിരുന്നു ചൈനയുടെ ഇടപെടല്. യുഎന് രക്ഷാസമിതിയിലെ സ്ഥിരാംഗത്തിനുള്ള വീറ്റോ അധികാരം ഉപയോഗിച്ചായിരുന്നു ചൈനയുടെ നടപടി.
അതേസമയം, അസ്ഹറിനെ വിലക്കുന്നതു തടഞ്ഞ ചൈനയുടെ നടപടി നിര്ഭാഗ്യകരമാണെന്ന് കോണ്ഗ്രസ് പ്രതികരിച്ചു. ഇന്ത്യയ്ക്കെതിരായ നിലപാടാണ് ചൈന പലപ്പോഴും സ്വീകരിക്കുന്നത്. ജയ്ഷ് തലവനെ സംരക്ഷിക്കുന്ന നടപടി ചൈനയ്ക്കു ഉപകാരപ്പെടില്ല കോണ്ഗ്രസ് നേതാവ് പി.സി.ചാക്കോ വാര്ത്താ ഏജന്സിയായ എഎന്ഐയോടു പറഞ്ഞു.
അസ്ഹറെ അടിയന്തരമായി വിലക്കണമെന്ന് ആവശ്യപ്പെട്ട് പഠാന്കോട്ട് ആക്രമണത്തിനു പിന്നാലെ കേന്ദ്രസര്ക്കാര് ഐക്യരാഷ്ട്രസഭയെ സമീപിച്ചിരുന്നു. യുഎന് രക്ഷാസഭയിലെ അഞ്ച് സ്ഥിരാംഗങ്ങള് ഉള്പ്പെടുന്ന 15 രാജ്യങ്ങളില് 14ലും അഹ്സറിനെ വിലക്കുന്ന നടപടിക്ക് അനുകൂലമായിരുന്നു. ചൈന മാത്രമാണ് പിന്തുണയ്ക്കാതിരുന്നത്. യുഎസ്, യുകെ, ഫ്രാന്സ്, റഷ്യ എന്നിവരാണ് രക്ഷാസഭയിലെ മറ്റു സ്ഥിരാംഗങ്ങള്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
