മഹാരാഷ്ട്രയിലെ മലെഗാവില്‍ അഞ്ചു വയസുകാരിയെ സ്‌കൂള്‍ ജീവനക്കാരന്‍ പീഡിപ്പിച്ചതായി പരാതി. സംഭവത്തെതുടര്‍ന്ന് അക്രമാസക്തരായ ജനക്കൂട്ടം സ്‌കൂള്‍ അഗ്‌നിക്കിരയാക്കി. പെണ്‍കുട്ടിയുടെ മാതാപിതാക്കള്‍ പരാതി നല്‍കിയിട്ടും അധികൃതര്‍ നടപടിയെടുക്കാതിരുന്നതാണ് നാട്ടുകാരെ പ്രകോപിപ്പിച്ചത്. 

മലേഗാവ് ആയിഷാനഗറിലെ ഉറുദു െ്രെപമറി സ്‌കൂളിലെ വിദ്യാര്‍ഥിനിയെ തൂപ്പുകാരന്‍ പീഡിപ്പിച്ച വീവരം പെണ്‍കുട്ടിതന്നെയാണ് മാതാപിതാക്കളെ അറിയിച്ചത്. സ്‌കൂള്‍ അധികൃതര്‍ക്ക് പരാതി നല്‍കാനെത്തിയ മാതാപിതാക്കളെ കാണാനോ നടപടിയെടുക്കാനോ സ്‌കൂള്‍ തയ്യാറായില്ല. തുടര്‍ന്ന് ബന്ധുക്കളും സ്‌കൂള്‍ അധികൃതരുമായി തര്‍ക്കമുണ്ടായി. പൊലീസും നടപടിയെടുക്കുന്നില്ലെന്നാരോപിച്ച് സ്‌കൂളിനു മുന്നില്‍ ഒരുമിച്ചുകൂടിയ നാട്ടുകാര്‍പൊലീസുമായി ഏറ്റുമുട്ടി. 
ലാത്തിച്ചാര്‍ജ് തുടര്‍ന്നതോടെ രോഷാകുലരായ ജനക്കൂട്ടം പൊലീസ് വാഹനങ്ങള്‍തകര്‍ത്ത ശേഷം സ്‌കൂളിലെ കംപ്യൂട്ടറുകളും ഉപകരണങ്ങളും കത്തിച്ചു. തുടര്‍ന്ന് സ്‌കൂളിലെ തൂപ്പുകാരനായ അജയ് ധാങ്കെയെ പൊലീസ് കസ്റ്റഡിയിലെടുത്തു. പ്രതിയെ വിട്ടുതരണമെന്ന ജനക്കൂട്ടത്തിന്റെ ആവശ്യം നിരാകരിച്ചതാണ് ആക്രമണകാരണമെന്നാണ് പൊലീസ് പറയുന്നത്. സ്‌കൂളിനു നേരെ കല്ലെറിഞ്ഞ ജനക്കൂട്ടത്തെ പിരിച്ചുവിടുന്നതിനിടയിലാണ് കൂടുതല്‍നാട്ടുകാര്‍സ്ഥലത്തെത്തി പൊലീസ് വാഹനത്തിനും സ്‌കൂളിനും തീയിട്ടതെന്ന് അഡീഷണല്‍ സൂപ്രണ്ടന്റ് ഓഫ് പൊലീസ് പറഞ്ഞു. 

നിലവില്‍പ്രദേശം പൊലീസിന്റെ കനത്ത സുരക്ഷാവലയത്തിലാണെന്നും പ്രശ്‌നം പടരാതിരിക്കാനുള്ള നടപടികളെടുത്തതായും എ.എസ്.പി വ്യക്തമാക്കി. പൊലീസ് ലാത്തിച്ചാര്‍ജില്‍ പരുക്കേറ്റെന്നാരോപിച്ച് നാട്ടുകാര്‍ റോഡ് ഉപരോധിച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha