വെള്ളം കിട്ടാതെ വലയുകയാണ് മഹാരാഷ്ട്ര. ഓരോതുള്ളി വെള്ളവും വിലപ്പെട്ടതാണ്. കുടിവെള്ളം പാഴാക്കുന്നത് തടയാനുള്ള കര്‍ശന നടപടികള്‍ പ്രഖ്യാപിച്ചിരിക്കുകയാണ് ചണ്ഡീഗഡ് മുനിസിപ്പല്‍ കോര്‍പ്പറേഷന്‍. രാവിലെ 5.30 നും 8.30 നും മധ്യേ കാര്‍ കഴുകുന്നവരില്‍നിന്ന് 2,000 രൂപ ഈടാക്കാനാണ് തീരുമാനം.

ജല ഉപയോഗം അത്യാവിശ്യമായ സാഹചര്യത്തില്‍ ചെടികള്‍ നനയ്ക്കുന്നവര്‍ക്കും പിഴ നല്‍കേണ്ടിവരും. 8.30 നുശേഷം കാര്‍ കഴുകുന്നവര്‍ പൈപ്പ് ഉപയോഗിക്കരുതെന്നും കോര്‍പ്പറേഷന്‍ നിര്‍ദ്ദേശം നല്‍കിയിട്ടുണ്ട്. ബക്കറ്റില്‍ വെള്ളമെടുത്ത് കാര്‍ കഴുകണമെന്നാണ് നിര്‍ദ്ദേശം. ജലം പാഴാക്കുന്നത് കണ്ടെത്താനും തടയാനും 10 സംഘങ്ങളാണ് കോര്‍പ്പറേഷന്‍ രൂപവത്കരിച്ചിട്ടുള്ളത്.

മൂന്ന് അംഗങ്ങള്‍ ഉള്‍പ്പെട്ടതാണ് ഓരോ സംഘവും. ജൂണ്‍ 30 വരെ സംഘം പ്രവര്‍ത്തിക്കും. ഈ സംഘങ്ങള്‍ക്കായിരിക്കും പിഴ ഈടാക്കാനുള്ള ചുമതല. അധികൃതരുടെ നിര്‍ദ്ദേശം ലഘിക്കുന്നത് ആവര്‍ത്തിക്കുന്നവരുടെ കുടിവെള്ള കണക്ഷന്‍ വിച്ഛേദിക്കാനാണ് തീരുമാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha