വിവാദ വ്യവസായിയായ വിജയ് മല്ല്യയുടെ പാസ്‌പോര്‍ട്ട് കേന്ദ്രസര്‍ക്കാര്‍ സസ്‌പെന്‍ഡ് ചെയ്തു. തുടര്‍ച്ചയായി മൂന്നു തവണ സമന്‍സ് അയച്ചിട്ടും നേരിട്ടു ഹാജരാകാത്തതിനെ തുടര്‍ന്ന് എന്‍ഫോഴ്‌സ്‌മെന്റ് ഡയറക്ടറേറ്റാണ് വിദേശകാര്യ മന്ത്രാലയത്തോട് പാസ്‌പോര്‍ട്ട് റദ്ദാക്കാന്‍ ആവശ്യപ്പെട്ടത്. ഐഡിബിഐ ബാങ്കില്‍ നിന്നുള്ള 900 കോടിയുടെ വായ്പാ കുടിശ്ശിക കേസിലാണ് സര്‍ക്കാര്‍ നീക്കം. 

രണ്ടുദിവസം മുന്‍പാണ് എന്‍ഫോഴ്‌സ്‌മെന്റ് ഡയറക്ടറേറ്റ് ഇതുസംബന്ധിച്ച നിര്‍ദേശം വിദേശകാര്യ മന്ത്രാലയത്തിനു നല്‍കിയത്. പാസ്‌പോര്‍ട്ട് റദ്ദാക്കുന്നതിനു മുന്‍പുള്ള നടപടിക്രമമാണ് സസ്‌പെന്‍ഡ് ചെയ്യല്‍. കഴിഞ്ഞ മാര്‍ച്ച് രണ്ടിനാണ് മല്ല്യ രാജ്യംവിട്ടത്. രാജ്യസഭാംഗം എന്ന നിലയിലുള്ള നയതന്ത്ര പാസ്‌പോര്‍ട്ട് ഉപയോഗിച്ചായിരുന്നു മല്യയുടെ രക്ഷപെടല്‍.

തുടര്‍ന്ന് മാര്‍ച്ച് 18, ഏപ്രില്‍ രണ്ട്, ഒന്‍പത് തീയതികളില്‍ ഹാജരാകണമെന്ന് അറിയിച്ച് മല്യക്ക് സമന്‍സ് അയച്ചിരുന്നു. എന്നാല്‍ മല്ല്യ ഇതില്‍ വീഴ്ച വരുത്തി. വിവിധ ബാങ്കുകളില്‍ നിന്നായി 9000 കോടി രൂപയുടെ വായ്പാ കുടിശ്ശികയാണ് മല്ല്യയ്ക്കുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha