ഇന്ത്യയും ഇറാനും ചബര് തുറമുഖ വികസനമുള്പ്പെടെ നിരവധി കരാറുകളില് ഒപ്പുവച്ചു
ഇറാനിലെ ചബര് തുറമുഖ വികസനത്തിന് 500 മില്യണ് യുഎസ് ഡോളര് നല്കുന്നതിന് ഇന്ത്യയും ഇറാനും തമ്മില് ധാരണയായി. കൂടാതെ ഭീകരവാദം, സൈബര് കുറ്റങ്ങള് തുടങ്ങിയവ ചെറുക്കുന്നതിനും ഇരു രാജ്യങ്ങളും തമ്മില് ധാരണയായി.
ഭീകരവാദം, മയക്കുമരുന്ന് കടത്ത്, സൈബര് കുറ്റകൃത്യങ്ങള് തുടങ്ങിയവ എതിര്ക്കുന്നതിന് ആവശ്യമായ നടപടികളെടുക്കുമെന്ന് ഇറാനിയന് പ്രസിഡന്റ് ഹസന് റൗഹാനിയോടൊപ്പം നടത്തിയ സംയുക്ത വാര്ത്തസമ്മേളനത്തില് ഇന്ത്യന് പ്രധാനമന്ത്രി നരേന്ദ്ര മോദി പറഞ്ഞു.
ചബര് തുറമുഖ വികസനത്തിനും അടിസ്ഥാന സൗകര്യ വികസനത്തിനും 500 മില്യണ് യുഎസ് ഡോളര് ഇന്ത്യ നല്കും. ഇറാന്റെ സാമ്പത്തിക സ്ഥിതി വര്ധിപ്പിക്കുകയാണ് ലക്ഷ്യം. ഇന്നു ഒപ്പിട്ട കരാറുകളുടെ സമയബന്ധിത നടപ്പാക്കാലും ഇന്ത്യ ഉറപ്പുനല്കിയിട്ടുണ്ടെന്നും മോദി പറഞ്ഞു.
പ്രതിരോധ സുരക്ഷ സംവിധാനങ്ങളുടെ പങ്കുവയ്ക്കലും സമുദ്രസുരക്ഷയും വര്ധിപ്പിക്കുന്നതിനും ഇരുരാജ്യങ്ങളും തമ്മില് തീരുമാനിച്ചിട്ടുണ്ട്. ഇന്ത്യയും ഇറാനും തമ്മിലുള്ള സൗഹൃദത്തിന് ചരിത്രത്തോളം പഴക്കമുണ്ട്. നൂറ്റാണ്ടുകള്ക്കു മുന്പ് കല, നിര്മിതി, ആശയങ്ങള്, പാരമ്പര്യം, സംസ്കാരം തുടങ്ങിയവയിലൂടെ ബന്ധം നിലനിര്ത്തിയിരുന്നു. 2001ല് ഗുജറാത്ത് ഭൂകമ്പസമയത്ത് സഹായ വാഗ്ദാനവുമായി ആദ്യം എത്തിയത് ഇറാനായിരുന്നുവെന്നും മോഡി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
