എനിക്ക് ജീവിക്കണം ഇങ്ങനെയല്ല സുഖമായി. അതിന് ധാരാളം പണം വേണം ആകെ ഒറ്റ ജീവിതമേ ഉള്ളൂ.. സോ...പോലീസ് പിടിച്ചപ്പോള്‍ യുവതിയുടെ മറുപടി ഇങ്ങനെ. ഭര്‍ത്താവിന് ഉറക്ക ഗുളിക നല്‍കി മയക്കിയശേഷം കഴുത്തുഞെരിച്ച് കൊലപ്പെടുത്തിയ യുവതി ആഭരണങ്ങളും പണവും കവര്‍ന്ന് ഒളിച്ചോടി. ശാരീരിക വൈകല്യമുള്ള 14 വയസ്സുള്ള മകനും ഉറക്ക ഗുളിക നല്‍കിയിരുന്നെങ്കിലും കുട്ടി രക്ഷപ്പെട്ടു. മകന്‍ നല്‍കിയ വിവരം അനുസരിച്ച് യുവതിയെത്തേടി പൊലീസ് അന്വേഷണം തുടങ്ങി.
സോഫ്റ്റ്‌വേര്‍ എന്‍ജിനിയറായ നിര്‍മല്‍ സിങ്ങാണ് (45) മരിച്ചത്. മകന്‍ ഭരത് സിങ്ങ് ആശുപത്രിയിലാണ്. നൈനിത്താള്‍ സ്വദേശിയായ താര എന്ന യുവതിയാണ് ഭര്‍ത്താവിനെ കൊലപ്പെടുത്തുകയും മകനെ കൊലപ്പെടുത്താന്‍ ശ്രമിക്കുകയും ചെയ്തത്. ആഗ്രയിലെ ആവാസ് വികാസ് കോളനിയാണ് ഇവര്‍ താമസിച്ചിരുന്നത്.
ആദ്യഭാര്യയില്‍നിന്ന വേര്‍പിരിഞ്ഞശേഷം നാലുവര്‍ഷം മുമ്പാണ് നിര്‍മല്‍ സിങ് താരയെ വിവാഹം കഴിക്കുന്നത്. തിങ്കളാഴ്ച രാത്രി താര ഉറക്കഗുളിക പാലില്‍ ചേര്‍ത്ത് ഭര്‍ത്താവിനും മകനും നല്‍കുകയായിരുന്നു. ഭര്‍ത്താവിനെ കഴുത്തുഞെരിച്ച് കൊന്ന താര, ഭരത് മരിച്ചുവെന്ന് കരുതി ഉപേക്ഷിക്കുകയായിരുന്നു.
ചൊവ്വാഴ്ച ഉച്ചയ്ക്കുശേഷം ഉറക്കത്തില്‍നിന്നുണര്‍ന്ന ഭരത് അച്ഛന്‍ മരിച്ചുകിടക്കുന്നതുകണ്ട് അലറി വിളിച്ച് അയല്‍ക്കാരെ വിവരമറിയിച്ചു. പൊലീസ് നടത്തിയ അന്വേഷണത്തില്‍ പണവും ആഭരണങ്ങളും മോഷ്ടിക്കപ്പെട്ടതായി കണ്ടെത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha