ഇത് സ്വര്ണ്ണത്തേക്കാള് വിലയേറിയ വെള്ളി: വാശിയേറിയ പോരാട്ടത്തില് ലോക ഒന്നാം നമ്പര് താരം കരോലിനാ മാരിനോട് സിന്ധുപൊരുതി തോറ്റു
മതി സിന്ധു ഞങ്ങള്ക്കിതുമതി. എതിരാളിയുടെ പോരാട്ടവീര്യത്തിന് മുന്നില് സിന്ധു അടിയറവെച്ചപ്പോള് കൊഴിഞ്ഞത് ഒരു ജനതയുടെ വികാരമാണ്. എങ്കിലും പിന്നോട്ടില്ല നിനക്ക് ആശ്വസിക്കാം. സ്വര്ണ്ണപ്രതീക്ഷകളുമായി വിമാനം കയറിയവര് നിരാശരാക്കിയപ്പോള് ഉദിച്ചുയര്ന്ന താരകമാണ് സിന്ധു ശരിക്കും പെണ്പുലി. സൈന ഭയക്കുന്ന എതിരാളിയാണ് കരോലിനാ മാരിന്.
റിയോ ഒളിംപിക് ബാഡ്മിന്റണില് പി.വി.സിന്ധുവിന് വെള്ളി. ലോക ഒന്നാം നമ്പര് കരോലിന മാരിനാണ് എതിരാളി. ഒളിംപിക്സ് ബാഡ്മിന്റന് ഫൈനലിലെത്തുന്ന ആദ്യ ഇന്ത്യന് താരമാണ് സിന്ധു.
പുസരല വെങ്കട സിന്ധു ഒരു വെറും പേരല്ല. നൂറ്റിമുപ്പത് കോടി ജനങ്ങളുടെ അഭിമാനത്തിന്റെ ചിഹന്മാണിപ്പോള്. റിയോയില് ഇന്ത്യയ്ക്കായി മെഡല് ഉറപ്പിച്ച ഈ ഇരുപത്തിയൊന്നുകാരിക്ക് ഇന്ത്യന് കായികരംഗത്ത് ഇപ്പോള് തുല്ല്യരില്ലെന്ന പറയേണ്ടിവരും. തെലങ്കാനയിലെ സെക്കന്തരാബാദില് നിന്നുമെത്തിയ സിന്ധു ഇന്ത്യയുടെ അഭിമാന ഗോപുരമായി മാറിക്കഴിഞ്ഞു.
ഒളിംപിക് ബാഡ്മിന്റണിന്റെ ഫൈനല് കണ്ട മറ്റൊരു ഇന്ത്യന് താരമില്ല ചരിത്രത്തില്. പ്രകാശ് പദുക്കോണിനും ഗോപിന്ദിനും സൈന നേവാളിനുമൊന്നും കൈയെത്തിപ്പിടിക്കാാനാവാതെ പോയ സ്വപ്നമാണത്. വോളിബോളിന്റെ ഇടിമുഴക്കം നിറഞ്ഞുനിന്ന വീട്ടില് ജനിച്ചിട്ടും ബാഡ്മിന്റണ് കോര്ട്ടില് ചരിത്രമെഴുതാനായിരുന്നു സിന്ധുന് നിയോഗം. തൊണ്ണൂറുകളില് ഇന്ത്യന് വോളിബോളിന്റെ കുന്തമുനയായിരുന്ന പുസാരല വെങ്കിട്ട രമണയും വോളിതാരം തന്നെയായ വിജയയുടെയും മകളായി ജനനം.
വൈകുന്നേരങ്ങളില് വോളി കളിക്കാന് ഞാന് ഗ്രൗണ്ടില് ചെല്ലും. അതു കണ്ടിരിക്കുമ്പോള് സിന്ധു തൊട്ടടുത്തുള്ള ബാഡ്മിന്റണ് കോര്ട്ടിലേക്ക് നടന്നുകയറും. സിന്ധു സ്വയം തിരഞ്ഞെടുത്ത വഴിയെക്കുറിച്ച് രമണ പറയുന്നു. ബ്രിട്ടനില് താമസമാക്കിയ മലയാളി ടോം ജോണില് നിന്നും പരിശീലനത്തിന്റെ ആദ്യപടി സിന്ധു അഭ്യസിച്ചു. പിന്നെ ഗോപിചന്ദിന്റെ ശിക്ഷണം. തുടര്ച്ചയായ രണ്ട് വര്ഷങ്ങളില് ലോകചാമ്പ്യന്ഷിപ്പില് നേടിയ വെങ്കലമായിരുന്നു ഇതുവരെ സിന്ധുവിന്റെ കരിയറിലെ വലിയ നേട്ടം. ഇഞ്ചിയോണ് ഏഷ്യന് ഗെയിംസിലും രണ്ടു തവണ യൂബര് കപ്പിലും ഗ്ലാസ്ഗോ കോമണ്വെല്ത്ത് ഗെയിംസിലും ഏഷ്യന് ചാമ്പ്യന്ഷിപ്പിലും വെങ്കലവും നേടിയിട്ടുണ്ട്.
https://www.facebook.com/Malayalivartha
