ഉത്തര്‍പ്രദേശിനടുത്ത് വാരണസിയില്‍ തിക്കിലും തിരക്കിലും പെട്ട് 24 പേര്‍ മരിച്ചു. മരിച്ചവരില്‍ 17 സ്ത്രീകളും 7 പുരുഷന്‍മാരും ഉള്‍പ്പെടുന്നു. സംഭവത്തില്‍ നിരവധി പേര്‍ക്ക് പരിക്കേറ്റിട്ടുണ്ട്. രാജ്ഘട്ട് പാലത്തിനടുത്താണ് സംഭവം. വാരണസിയിലെ ആത്മീയാചാര്യന്‍ ബാബ ജയ് ഗുരുദേവ് നടത്തിയ പരിപാടിക്കിടെയാണ് തിക്കും തിരക്കും അനുഭവപ്പെട്ടത്. 

പൊലീസും ഫയര്‍ ഫോഴ്‌സും രക്ഷാപ്രവര്‍ത്തനം ആരംഭിച്ചിട്ടുണ്ട്. മരണസംഖ്യ ഇനിയും ഉയരാന്‍ സാധ്യതയുണ്ടെന്ന് പൊലീസ് വൃത്തങ്ങള്‍ പറഞ്ഞു. മരണപ്പെട്ട കുടുംബങ്ങള്‍ക്ക് 2 ലക്ഷം രൂപയും മാരകമായി പരിക്കേറ്റവര്‍ക്ക് 50,000 രൂപയും ഉത്തര്‍പ്രദേശ് മുഖ്യമന്ത്രി അഖിലേഷ് യാദവ് പ്രഖ്യാപിച്ചിട്ടുണ്ട്.