ഒഡീഷയിലെ ഭുവനേശ്വരിലെ ആശുപത്രിയിലുണ്ടായ തീപിടിത്തത്തില് 23 പേര് മരിച്ചു; പ്രധാനമന്ത്രി അപലപിച്ചു; നിരവധി പേര്ക്ക് പൊള്ളലേറ്റു
ഒഡീഷയിലെ ഭുവനേശ്വരിലെ ആശുപത്രിയിലുണ്ടായ തീപിടിത്തത്തില് 23 പേര് മരിച്ചു. നിരവധി പേര്ക്ക് പരുക്കേറ്റു. ഇന്സ്റ്റിട്ട്യൂട്ട് ഓഫ് മെഡിക്കല് സയന്സിസ് ആന്ഡ് സം ഹോസ്പിറ്റലിലാണ് അപകടം. ആശുപത്രിയിലെ ഡയാലിസിസ് വാര്ഡിലെ അത്യാഹിത വിഭാഗത്തിലാണ് തീപിടിത്തം ഉണ്ടായത്. വൈകീട്ട് ഏഴുമണിയോടെയാണ് അപകടം.
ഏഴ് ഫയര്ഫോഴ്സ് എഞ്ചിനുകള് എത്തിയാണ് തീ നിയന്ത്രണവിധേയമാക്കിയത്. ഷോട്ട് സര്ക്യൂട്ടാണ് അപകടകാരണം. ആശുപത്രിയിലെ ഒന്നാം നിലയിലുള്ള ഡയാലിസിസ് ഓപ്പറേഷന് തീയറ്ററിലാണ് ആദ്യം തീപിടിത്തം ഉണ്ടായത്. ഇത് ഐസിയുവിലേക്ക് പടരുകയായിരുന്നുവെന്ന് ആശുപത്രി അധികൃതര് പറഞ്ഞു.
സംഭവത്തെ പ്രധാനമന്ത്രി നരേന്ദ്ര മോദി അപലപിച്ചു. അപകടത്തില് മരിച്ചവരുടെ കുടുംബത്തിന്റെ ദുഃഖത്തില് പങ്കുചേരുന്നുവെന്നും അദ്ദേഹം ട്വിറ്ററിലൂടെ അറിയിച്ചു. കേന്ദ്ര ആരോഗ്യമന്ത്രി ജെ.പി. നഡ്ഡയുമായി സംസാരിച്ചെന്നും ആവശ്യമായ സൗകര്യങ്ങള് ഏര്പ്പെടുത്താന് നിര്ദേശം നല്കിയെന്നും പ്രധാനമന്ത്രി പറഞ്ഞു.
https://www.facebook.com/Malayalivartha
