അയ്യോ എന്നെ തല്ലുന്നേ: ഭര്ത്താക്കന്മാരെ തല്ലുന്ന കാര്യത്തിലും ഇന്ത്യന് സ്ത്രീകള് മുന്നില് തന്നെ
ഭാര്യമാരുടെ തല്ലുവാങ്ങി ജീവിക്കുന്ന ഭര്ത്താക്കന്മാരുടെ എണ്ണം കൂടുന്നു. ഗാര്ഹിക പീഠനം എന്നാല് പുരുഷന്മാര് സ്ത്രീകളെ ഉപദ്രവിക്കുമ്പോള് മാത്ര മുള്ളതാണ്, ഗാര്ഹിക പീഡന നിരോധന നിയമം പുരുഷന്മാര്ക്ക് എതിരെ മാത്രമാണെന്ന് പലര്ക്കും ഒരു തെറ്റിദ്ധാരണയുണ്ട്. പക്ഷെ ഈ നിയമം നിസ്സഹായരായ, പീഡനനുഭവിക്കുന്ന വരെ രക്ഷിക്കാന് വേണ്ടിയുള്ളതാണ് എന്ന കാര്യത്തില് യാതൊരു വിധ സംശയവും ഇല്ല. അടുത്തിടെ നടന്ന ഒരു പഠനത്തിന്റെ ഭാഗമായി കണ്ടെത്തിയിരിക്കുന്ന കാര്യങ്ങള് കേട്ടാല് നിങ്ങളൊന്ന് മൂക്കത്ത് വിരല് വച്ചു പോകും എന്നതില് സംശയമില്ല.
സ്ത്രീകളാണ് വീടിനകത്ത് പീഡനത്തിന് ഇരയാവുന്നത് എന്നതായിരുന്നു ഇതുവരെയുള്ള കണക്ക്. എന്നാല് അതൊക്കെ പണ്ട്. യുഎസ് പുറത്തു വിട്ട ്രൈകം റിപ്പോര്ട്ട് പ്രകാരം ഭര്ത്താക്കന് മാരെ അടിക്കുന്ന ഭാര്യമാരില് ലോകത്ത് മുന്നാം സ്ഥാനമാണ് ഇന്ത്യയ്ക്ക്.
ബ്രിട്ടണും ഈജിപ്തും മാണ് ഒന്നും രണ്ടും സ്ഥാനങ്ങളില്. ഗാര്ഹിക പീഡനത്തെത്തുടര്ന്ന് ഈജിപ്തിലുള്ള 66 ശതമാനം ഭര്ത്താക്കന്മാര് കുടുംബകോടതിയില് എത്തിയതോടെയാണ് ഇങ്ങനെയൊരു സര്വേ നടത്തിയത്. സര്വേ പ്രകാരം സ്ത്രീകള് മാത്രമല്ല ഗാര്ഹിക പീഡനത്തിന് ഇരയാകുന്നത്. പുരുഷന്മാരും പീഡനത്തിന് ഇരയാകുന്നുണ്ട്. പരലും മടികൊണ്ടോ. പുറത്തു പറഞ്ഞാല് നേരിടേണ്ടി വരുന്ന മാനഹാനിയോ ഭയന്ന് ഉള്ളിലൊതുക്കി ജീവിക്കാന് പ്രേരിതരാകുന്നു.
പരസ്പര ധാരണയോടുകൂടി കുടുംബ ജീവിതം നയിക്കുമ്പോള് മാത്രമാണ് വിശ്വാസ്യതയും കലഹരഹിതവും സുഖപ്രദവുമായ ദാമ്പത്യജീവിതം ഒരാളെത്തേടിയെത്തുകയുള്ളു.. അതിന് ലിംഗതമതവം യാഥാര്ത്ഥ്യമാവണം. പുരുഷനും സ്ത്രീക്കും തുല്യ പ്രാധാന്യം സമൂഹത്തില് ഉണ്ടാവണം.
കുടുംബത്തിനുള്ളില് സ്ത്രീകള്ക്കുനേരെ നടക്കുന്ന അതിക്രമങ്ങളെ തടയുവാന് ഇന്ത്യയില് 2005ല് ഗാര്ഹിക പീഡന നിരോധന നിയമം നിലവില് വന്നു. സ്ത്രീകള്ക്കെതിരെ നിലനില്ക്കുന്ന എല്ലാത്തരം വിവേചനങ്ങളും അവസാനിപ്പിക്കാന് സഹായിക്കുന്ന നിയമം. പക്ഷേ, പുതിയ വെളിപ്പെടുത്തല് വ്ന്നതോടെ പുരുഷന്മാരെ സംരക്ഷിക്കാനും പുതിയ നിയമം വേണ്ടിവരും. അങ്ങനെയൊരു കാലം അതി വിദൂരമല്ല.
സ്ത്രീകള്ക്ക് നേരെയുള്ള പീഡനങ്ങള്ക്ക് പ്രധാന കാരണം മദ്യവും മയക്കുമരുന്നുമാണ് കാരണം എന്നാണ്സാമൂഹിക ക്ഷേമ ബോര്ഡിന്റെ നേതൃത്വത്തില് നടത്തിയ പഠനങ്ങളും കോടതികളിലെത്തിയ കേസുകളും തെളിയിക്കുന്നതാണിത്. പഠനത്തില് 60 ശതമാനം ഗാര്ഹിക പീഡനങ്ങള്ക്കും കാരണം ഇവയാണെന്ന് ചൂണ്ടിക്കാണിക്കപ്പെടുന്നു. അങ്ങനെയെങ്കില് സ്ത്രീകള് പുരുഷന്മാരെ പീഡിപ്പിക്കുന്നതിന്റെ കാരണം എന്താണ്? അഹങ്കാരവും പേടിയില്ലായ്മയും.
https://www.facebook.com/Malayalivartha
