ഷിംലയില്‍ മഞ്ഞ് വീഴ്ച രൂക്ഷമാവുകയാണ്. മിക്കസ്ഥലങ്ങളും ഗതാഗതം താറുമാറായിരിക്കുകയാണ്. ഹിമാചല്‍ പ്രദേശിലും ജമ്മുകശ്മീരിലും മഞ്ഞുവീഴ്ച സാധാരണജീവിതം സ്തംഭിപ്പിച്ചു. റോഡുകളില്‍ മഞ്ഞു നിറഞ്ഞ് മിക്കയിടങ്ങളിലും ഗതാഗതം തടസപ്പെട്ടു.

കാല്‍നടയാത്ര പോലും സാധ്യമല്ലാത്ത അവസ്ഥയിലാണ് ഷിംല ഉള്‍പ്പടെയുള്ള സ്ഥലങ്ങള്‍. ഷിംലയിലെ ഭോണ്ട് ഗ്രാമത്തിലെ ഗര്‍ഭിണിയായ യുവതിയെ തോളില്‍ ചുമന്ന് ആശുപത്രിയിലെത്തിച്ചത് ആറ് പോലീസ് ഉദ്യോഗസ്ഥര്‍ ചേര്‍ന്നാണ്. പ്രസവവേദനയാല്‍ പുളഞ്ഞ ഗര്‍ഭിണിയെ 10 കിലോമീറ്ററാണ് ഇവര്‍ ചുമന്ന് കൊണ്ടുപോയത്.

മൂന്നര മണീക്കൂര്‍ കൊണ്ടാണ് ലക്ഷ്യസ്ഥാനത്ത് എത്തിയത്. കനത്ത മഞ്ഞ് വീഴ്ചമൂലം ആ വഴികള്‍ വാഹന സഞ്ചാര യോഗ്യമല്ലായിരുന്നു. ഒരു വഴിയും ഇല്ലാതെ ഇരുന്നപ്പോഴാണ് ഹിമാചല്‍പ്രമദശിലെ ആറ് പോലീസ് ഉദ്യോഗസ്ഥര്‍ സഹായത്തിനെത്തിയതെന്ന് ഗര്‍ഭിണിയായ യുവതിയുടെ അമ്മ പറഞ്ഞു.