റെയില് പാളത്തിലെ വിള്ളലും അട്ടിമറി ശ്രമവും കണ്ടെത്തിയതിനെ തുടര്ന്ന് തലനാരിഴയ്ക്ക് വന് ദുരന്തം ഒഴിവായി
റെയില് പാളത്തിലെ വിള്ളലും അട്ടിമറി ശ്രമവും കണ്ടെത്തിയതിനെത്തുടര്ന്ന് ബീഹാറിലും മഹാരാഷ്ട്രയിലും വന് ട്രെയിനപകടം ഒഴിവായി. ബീഹാറില് പാട്നയ്ക്കടുത്താണ് പാളത്തില് വിള്ളല് കണ്ടെത്തിയത്. പരിസരവാസികളാണ് വിള്ളല് കണ്ടെത്തിയത്. ന്യൂഡല്ഹി ദിബ്രുഗഡ് രാജധാനി എക്സ്പ്രസ് കടന്നു പോകേണ്ട സമയമായിരുന്നു ഇത്. ഉടനെ തന്നെ റയില്വേ അധികൃതരെ അറിയിച്ചതിനാല് ട്രെയിന് മന്സി സ്റ്റേഷനില് പിടിച്ചിട്ടു.
മഹാരാഷ്ട്രയില് ജസായ്ദപോളി സ്റ്റേഷനുകള്ക്കിടയില് ആറടി നീളമുള്ള ഇരുമ്പ് വസ്തു കണ്ടെത്തുകയായിരുന്നു. പുലര്ച്ചെ മൂന്നു മണിക്ക് ഇതുവഴി വന്ന ഗുഡ്സ് ട്രെയിന് െ്രെഡവറാണ് ഇത് കണ്ടത്. ഉടന് ബ്രേക്കിട്ട ട്രെയിന് ഇതിന്റെ സമീപത്തായി നിന്നു. ഇത് അട്ടിമറി ശ്രമമാണെന്നും അന്വേഷണം ആരംഭിച്ചുവെന്നും സെക്യൂരിറ്റി കമ്മീഷണര് പറഞ്ഞു. മുംബൈയില് രണ്ടാഴ്ചയ്ക്കിടെ നടന്ന മൂന്നാമത്തെ അട്ടിമറി ശ്രമമാണിത്.
https://www.facebook.com/Malayalivartha
