എംഎല്എമാരെ കണ്ടവരുണ്ടോ...കേസ് കോടതിയിലേക്ക്..ശശികല ക്യാംപില് കലാപം; 30 എംഎല്എമാര് ഉപവാസത്തില്
തമിഴ്നാട്ടിലെ അധികാര പോരാട്ടത്തില് നാടകീയത വര്ധിപ്പിച്ച് ശശികല ക്യാംപില് വിള്ളല്. രഹസ്യകേന്ദ്രത്തില് താമസിപ്പിച്ചിരിക്കുന്ന നൂറ്റിയിരുപത്തെട്ട് എംഎല്എമാരില് 30 പേര് ഉപവാസസമരം ആരംഭിച്ചു. സ്വതന്ത്രരാക്കണമെന്നും സ്വന്തമായി തീരുമാനമെടുക്കാന് അനുവദിക്കണമെന്നും ആവശ്യപ്പെട്ടാണ് ഉപവാസം. എംഎല്എമാരെ കണ്ടെത്തണമെന്ന് ആവശ്യപ്പെട്ടുള്ള കേസ് മദ്രാസ് ഹൈക്കോടതി പരിഗണിക്കാനിരിക്കേയാണ് പുതിയ വഴിത്തിരിവ്.
ഇതാണ് പനീര്സെല്വം പക്ഷം ലക്ഷ്യമിടുന്നതും. ശശികല നല്കിയ പിന്തുണക്കത്തിന്റെ സാധുത കൂടി പരിശോധിച്ചായിരിക്കും സര്ക്കാരുണ്ടാക്കാന് ആരെ ക്ഷണിക്കണമെന്ന് ഗവര്ണര് തീരുമാനിക്കുക
128 എംഎല്എമാരെ ശശികല ക്യാംപ് പാര്പ്പിച്ചിരിക്കുന്നത് ചെന്നൈ കല്പാക്കം പൂവത്തൂര് റോഡില് മഹാബലിപുരത്തിനു സമീപം തടാകക്കരയിലുള്ള ഗോള്ഡന് ബേ റിസോര്ട്ടില്. കനത്ത സുരക്ഷയാണ് ഇവിടെ. ശശികലയുടെ വിശ്വസ്തരായ മന്ത്രിമാരുടെയല്ലാതെ മറ്റു വാഹനങ്ങള് കടത്തിവിടുന്നില്ല. റിസോര്ട്ടിലെ സ്ഥിരം സുരക്ഷാസംവിധാനത്തിനു പുറമേ സ്വന്തം സുരക്ഷാ ഉദ്യോഗസ്ഥരെയും ശശികല നിയോഗിച്ചിട്ടുണ്ട്. മൂന്നു ബസുകളിലായാണ് എംഎല്എമാരെ ഇവിടെ എത്തിച്ചത്. വാര്ത്താലേഖകര് എത്തുന്നത് തടയാന് എഐഎഡിഎംകെ പ്രവര്ത്തകര് റോഡിലും വാഹനങ്ങള് പരിശോധിക്കുന്നുണ്ട്.
നേരത്തേ ഡിഎംകെയില് ചേരുമെന്ന് അഭ്യൂഹമുണ്ടായിരുന്ന നാല്പ്പതോളം പേരില് ഉള്പ്പെട്ടവരാണ് ഇപ്പോള് പ്രതിഷേധിക്കുന്നതെന്നാണ് വിവരം. എംഎല്എമാരെ ബന്ധപ്പെടാന് കഴിയുന്നില്ലെന്നും ഭൂരിപക്ഷം തെളിയിക്കാന് കൂടുതല് സമയം വേണമെന്നും ഒ.പനീര്സെല്വം നേരത്തേ ഗവര്ണറോട് ആവശ്യപ്പെട്ടിരുന്നു. തടഞ്ഞുവച്ചതാണെന്ന് ബോധ്യപ്പെട്ടാല് ഗവര്ണര് മുഴുവന് എംഎല്എമാരോടും നേരിട്ട് ഹാജരാകണമെന്ന് ആവശ്യപ്പെടാനിടയുണ്ട്.
https://www.facebook.com/Malayalivartha
