വാഗ്ദാന പെരുമഴ വന്നു ; മഴമേഘങ്ങള് ഓടിയൊളിക്കും !
വാഗ്ദാന പെരുമഴ വരുന്നു. കൊടുംവേനലില് പെയ്യാനറച്ച് നില്ക്കുന്ന മഴമേഘങ്ങള് സ്ഥലം വിടാന് നേരമായി. ഇന്ന് കോണ്ഗ്രസിന്റെ പ്രകടന പത്രിക തുടര്ന്ന് സിപിഎം മുതല് എന്.സി.പി വരെയുള്ള സകലപേരുടേയും പ്രകടന പത്രികകള് പുറത്തിറങ്ങും. പ്രകടന പത്രിക ഇറക്കിയാല് ഇറക്കുന്നവരുടെ ജോലി കഴിയും. പിന്നെ പ്രകടന പത്രികയും പരണത്തു വച്ച് എയര്കണ്ടീഷനര് സ്വിച്ചോണ് ചെയ്തു സുഖമായി ഉറങ്ങാം. പാവം ജനം തെക്കു വടക്കു നടക്കും.
കഴിഞ്ഞ പത്തു വര്ഷമായി ഇന്ത്യാ മഹാരാജ്യത്തെ അംബാനിക്കും ടാറ്റാക്കും വിറ്റ കോണ്ഗ്രസിന്റെ പ്രകടപത്രികയിലെ പ്രധാന ഇനം ആരോഗ്യമാണ്. ആരോഗ്യമേഖല മാത്രമാണ് ഇനി വില്ക്കാനുളളത്. ഗുളിക നിര്മ്മാണം മുതല് കഷായം കലര്ത്തല് വരെ റിലയന്സുകാരന് അച്ചാരം കൊടുത്താല് ഡല്ഹിയിലെ വെളുത്ത വര്ഗക്കാര്ക്ക് സ്വസ്ഥത കിട്ടും. തങ്ങളാല് കഴിയുന്ന രേഖകളൊക്കെ കോര്പ്പറേറ്റ് ഭീമന്മാര്ക്ക് കാഴ്ച വച്ച ശേഷമാണ് വെളുത്ത വര്ഗക്കാര് പടിയിറങ്ങുന്നത്. മന്മോഹന്, ആന്റണി തുടങ്ങിയ മിണ്ടാപ്രാണികള് ഉണ്ടായിരുന്നതു കൊണ്ട് കച്ചവടം പൊടിപൊടിച്ചു. തൊഴിലുറപ്പ്, വിദ്യാഭ്യാസാവകാശം, ഭക്ഷ്യസുരക്ഷ എന്നീ നിയമങ്ങള്ക്ക് ശേഷമാണത്രേ ആരോഗ്യവകാശം വരുന്നത്. ഇത്തരം നേട്ടങ്ങള് കാണുമ്പോള് മലയാളികള് മൂക്കത്തു വിരല് വയ്ക്കുന്നു. ഇതിന്റെ പരിണിതഫലം ആരാണാവോ അനുഭവിക്കേണ്ടിവരുക ?
പട്ടികജീതിക്കാര്ക്കും സ്ത്രീകള്ക്കും സംവരണം, കരിഞ്ചന്തക്കും, പൂഴ്ത്തിവയ്പിനുമെതിരെ നടപടി, എന്നിങ്ങനെ കേട്ടാല് ചിരിവരുന്ന ചില വാഗ്ദാനങ്ങളും കോണ്ഗ്രസ് മുന്നോട്ടു വയ്ക്കുന്നുണ്ട്. പ്രകടനപത്രികകള് വായിക്കുന്നവര് നേരിട്ട് സ്വര്ഗത്തെത്തുമെന്ന് ചുരുക്കം.
പ്രകടനപത്രികകളും പ്രവര്ത്തിയും തമ്മില് ബന്ധമുണ്ടോ എന്നൊന്നും ചോദിക്കരുത്. അത്തരത്തില് ബന്ധമുണ്ടായിപ്പോയാല് രാഷ്ട്രീയ പാര്ട്ടികള്ക്ക് എന്താണ് പ്രസക്തി ? സാധാരണക്കാരന് ആശ്വാസം നല്കുന്ന പദ്ധതികള് നടപ്പിലാക്കാന് പണ്ട് ജനനേതാക്കള് ഓടി നടന്നിരുന്നു. ഇപ്പോള് അത്തരം നേതാക്കള് ഔട്ട്ഡേറ്റമായി. പ്രകടനപത്രികകള് തയ്യാറാക്കുമ്പോള് ഐ.ടി. പ്രൊഫക്ഷണലുകളാണ് . അവര്ക്ക് നാടും നാട്ടുകാരും ആരാണെന്നറിയില്ല. പുതിയ തലമുറയുടെ കൈയില് ഹൈടെക് പ്രവര്ത്തനങ്ങളുടെ താക്കോല് ഏല്പ്പിച്ച് സ്വസ്ഥമായിരിക്കുകയാണഅ പഴയ തലമുറ.
പ്രകടന പത്രിക തയ്യാറാക്കുന്നവര്ക്ക് ആം ആദ്മിയുടെ ചൂല് സമ്മാനമായി നല്കേണ്ട കാലം അതിക്രമിച്ചിരിക്കുന്നു.
https://www.facebook.com/Malayalivartha
