എ.കെ മനസു തുറന്നു... ഗുജറാത്തല്ല ഇന്ത്യ, മോഡിയുടെ അജണ്ട ഇന്ത്യയുടെ ഐക്യം തകര്ക്കും, പരാമര്ശം സേനയുടെ മനോവീര്യം തകര്ക്കും
അങ്ങനെ പ്രതിരോധമന്ത്രി എകെ ആന്റണി ബിജെപി പ്രധാനമന്ത്രി സ്ഥാനാര്ത്ഥിയായ നരേന്ദ്ര മോഡിയ്ക്കെതിരെ രംഗത്തെത്തി. മോഡിയുടെ അജണ്ട ഇന്ത്യയുടെ ഐക്യം തകര്ക്കുമെന്ന് പ്രതിരോധ മന്ത്രി എകെ ആന്റണി. മോഡിയുടെ പേരെടുത്ത് പറയാതെയാണ് ആന്റണിയുടെ വിമര്ശനം. ഗുജറാത്തല്ല ഇന്ത്യയെന്ന് തിരിച്ചറിയണം. വ്യക്തികളല്ല, ആശയങ്ങള് തമ്മിലാണ് തെരഞ്ഞെടുപ്പ് പോരാട്ടം. തെരഞ്ഞെടുപ്പില് കോണ്ഗ്രസ്സിന്റെ മുഖ്യഎതിരാളി ബിജെപിയാണ്. തെരഞ്ഞെടുപ്പിന് ശേഷം ദേശീയ രാഷ്ട്രീയത്തില് ഏകകക്ഷി ഭരണത്തിന് സാധ്യതയിലെന്നും ആന്റണി പറഞ്ഞു.
മോഡിയുടെ എകെ 47 പരാമര്ശത്തിനെതിരേയും ആന്റണി രംഗത്തെത്തി. പാകിസ്ഥാനെ സഹായിക്കുന്ന 3 എ.കെ. കളാണ് എ.കെ. ആന്റണി, എ.കെ. 47, അരവിന്ദ് കെജ്രിവാള് എന്നിവരെന്ന് മോഡി പറഞ്ഞത് ഏറെ വിവാദമായിരുന്നു. എന്നാല് എ.കെ. ആന്റണി മൗനം പാലിക്കുകയായിരുന്നു. മോഡിയുടെ പരാമര്ശം ഇന്ത്യന് സേനയുടെ മനോവീര്യം തകര്ക്കുന്നതാണ്. ദേശ സ്നേഹമുള്ളവര് അങ്ങനെ പറയില്ല. ചീപ്പ് പോപ്പുലാരിറ്റിക്കായ നേതാക്കള് ഇങ്ങനെ പറയരുത്. ഇത്തരം പ്രസ്താവനകള് പരോക്ഷമായി ശത്രുവിനെ സഹായിക്കുന്നതാണെന്നും ആന്റണി പറഞ്ഞു. പ്രതിരോധമന്ത്രാലയത്തില് അഴിമതി ഉണ്ടായിട്ടില്ലെന്നും ആന്റണി പറഞ്ഞു. ആയുധവ്യാപാരികള്ക്കും മുമ്പില് താന് മുട്ടുമടക്കിയില്ലെന്നാണ് ഏക ആക്ഷേപം. അഴിമതി ആരോപണങ്ങള് ഉണ്ടായപ്പോഴെല്ലാം കൃത്യമായി നടപടിയെടുത്തെന്നും ആന്റണി പറഞ്ഞു.
രാജ്യത്തെ മോഡി തരംഗം വെറും സൃഷ്ടി മാത്രമാണ്. ഗുജറാത്ത് മോഡല് വിജയമാണെന്ന അഭിപ്രായമില്ല. ആര്എസ്എസും കോര്പ്പറേറ്റുകളുമാണ് ബിജെപിയെ നയിക്കുന്നത്. തെരഞ്ഞെടുപ്പ് സര്വേ ഫലങ്ങള് ശരിയാകാന് പോകുന്നില്ല. സര്വേ പ്രവചനത്തേക്കാള് സീറ്റുകള് കോണ്ഗ്രസ് നേടും. കോണ്ഗ്രസ്സിനെ ആരും എഴുതിതള്ളേണ്ട. ബിജെപി കേന്ദ്രത്തില് സര്ക്കാര് ഉണ്ടാക്കാന് പോകുന്നില്ല. യുപിഎ വീണ്ടും അധികാരത്തില് വരുമെന്നും ആന്റണി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
